Albistea entzun

Donostiako 79. Musika Hamabostaldia

Gipuzkoako soinu hodiak

Bihartik hasita, hamahiru kontzertu egingo dituzte Musika Hamabostaldiaren Organo Zikloan. Gipuzkoako hainbat herritako organo ondare «aberatsa» baliatuko dute emanaldietan
Musika Hamabostaldiko ordezkariak eta Organo Zikloan parte hartuko duten zenbait musikari, atzo, Donostiako Koruko Andre Mariaren basilikan.
Musika Hamabostaldiko ordezkariak eta Organo Zikloan parte hartuko duten zenbait musikari, atzo, Donostiako Koruko Andre Mariaren basilikan. JUAN CARLOS RUIZ / FOKU Tamaina handiagoan ikusi

Andoni Imaz -

2018ko abuztuak 4 - Donostia

Ezohiko musika tresna da organoa, baina Donostiako Musika Hamabostaldiko ziklorik deigarri eta entzutetsuenetako bat osatzen da urtero haren inguruan. Patrick Alfaya Musika Hamabostaldiko zuzendariak eta Esteban Elizondo Organo Zikloko koordinatzaileak atzoko aurkezpenean aipatu zutenez, gainera, Gipuzkoako organoak ez dira nolanahikoak. Jatorrizko egoeran iraun duten organo ugari daude kilometro gutxiren bueltan, eta aukera paregabea eskaintzen dute mundu osoko organistentzat, «konpositoreek beren lanetan esan nahi zutenera hurbilpen historikoa» egiteko, Elizondoren hitzetan.

Bihar hasi eta datorren igandera bitarte, hamahiru emanaldi izango dira Donostiako Musika Hamabostaldiko Organo Zikloan, Gipuzkoako zortzi elizatan. Zikloarekin lotutako Organo Erromantikoko Nazioarteko 35. Ikastaroa, berriz, astelehenean hasiko da, eta Michel Bouvard organista ezagunak emango ditu eskolak. Musika Hamabostaldiko ziklorik emankorrenetako eta arrakastatsuenetako bat da organoarena, Patrick Alfayak gogorarazi duenez, eta milaka entzule erakartzen ditu urtero. Izan ere, hark esan bezala, «dena ez da Kursaala» Musika Hamabostaldian, eta hala erakusten dute datuek ere: urtero 4.500 lagun baino gehiago elkartzen dira organoaren soinuaren bueltan.

Alfayak Elizondori eskertu dio urtero zikloa antolatzen egiten duen lana, haren ustez emanaldiak Europa osoko ondare musikalik aberatsenetako bati egindako aitorpen bat ere badirelako. Azken urteotan gorabehera ekonomikoak izan ditu Musika Hamabostaldiak, eta nabaritu da ekoizpenak eta eskaerak jaitsi direla. Hala ere, Organo Zikloan sekula ez diote utzi organo konposizioen enkarguak egiteari.

Zikloko hamahiru kontzertuetatik, zazpi egingo dira Donostiatik kanpo. Gipuzkoako hainbat herritan arituko dira, Ataun, Azkoitia, Deba, Hernani, Tolosa eta Usurbilgo elizetan. Organo horien guztien artean nabarmendu dituzte Ataungo Tourseko San Martin elizako iberiar organo barrokoa —Lorenzo de Arrazola oñatiarrak egina—, Debako Andre Maria elizakoa —Gerhard Grenzingek egina—, eta Donostiako Koruko Andre Mariaren basilikakoa eta San Bizente elizakoa —Aristide Cavaille-Collenak biak—.

Alize Mendizabal, Ana Belen Garcia, Fernando Gonzalo eta Koro Saenz organistek beren kontzertuen nondik norakoak azaldu zituzten aurkezpenean. Mendizabalek egitarau barrokoa prestatu du Ataungo musika tresna bereziari probetxu ateratzeko. Garciak ere kontuan izan du Donostiako Iesu elizako akustika jakina, eta mundu osoko estreinaldi bat aurkeztuko du han: Josep Soler musikagile katalanaren 22. korala. Eskuin eskuko tentu zatitua, hain zuzen. Gonzalok, aldiz, berak sortutako bi lan aurkeztuko ditu, baina ez da bakarrik ariko, Jone Bolibar klarinete jotzailea eta Xabier Calzada flauta jotzailea izango ditu lagun. Saenz organista titularra da Donostiako San Bizenteko elizan, eta hango organoaren 150. urteurrena ospatzeko baliatuko du aukera. Jose Ignazio Ansorenak eta Lucia Gomezek joko dute harekin.

Organo ikasleak

Organo Erromantikoko Nazioarteko Ikastaroko ikasleek ere izango dute haien emanaldia, abuztuaren 10ean, Donostiako Koruko Andre Mariaren basilikan. Ikastaroko toki guztiak bete dira, eta munduko hainbat herrialdetatik etorritako hamabost ikaslek izango dute Gipuzkoako organorik berezienak jotzeko aukera, Michel Bouvard irakasle dutela.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Nelly Arcan idazle quebectarra (1973-2009). ©ADAM BILINSKI

Luxuaren azpietatik

Itziar Ugarte Irizar

Literatura ikasketak egin artean luxuzko 'scort' lanetan aritu zen Nelly Arcan idazlea, eta garai hartan ikusitakoak garratz aletu zituen 'Puta' bere lehen eleberrian. Euskarara ekarri berri dute.
Michael Jacksonek 24 urte zituen <em>Thriller</em> kaleratu zuenean. ©BERRIA

Pop musika irauli zuen diskoa

Mikel Lizarralde

1982an argitaratu zuen Michael Jacksonek 'Thriller', eta, 40 urte geroago, historian gehien saldutako diskoen artean segitzeaz gain, kantariaren obra nagusia da. Hainbat bitxikeriarekin berrargitaratu berri dute.
 ©NEVER FOR EVER

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.