Albistea entzun

Errekaleorreko 26. ataria, epailearen erabakiaren zain

Aurkeztutako agiriak aztertuta ebatziko du, hilabete bateko epean, etxebizitza okupatutako bizilagunen egonaldia legezkoa den
Gasteizko Justizia Jauregian elkarretaratzea egin zuten atzo.
Gasteizko Justizia Jauregian elkarretaratzea egin zuten atzo. RAUL BOGAJO / ARP

Jon Rejado -

2015eko apirilak 11 - Gasteiz

Gasteizko Errekaleor auzoko 26. atariko bizilagunen auzia hilabete inguruko epean argituko da. 21 Zabalguneko —udalaren hirigintza elkartea da— eta eraikin okupatuko bizilagunen abokatuek epaiketaren aurreko auzialdia izan zuten, atzo. Epaileak erabaki zuen epaiketarik ez deitzea: bi aldeek aurkeztutako txostenak aztertuta ebatziko du 26. atariko bizilagunen egoera.

Epaileak erabaki beharko du 21 Zabalguneak jarritako salaketa zilegi den ala ez. Atari horretan bizi diren gazteek etxebizitza modu «ilegalean» erabiltzen ari ote diren. Bizilagunen abokatuak argudiatu du gazteek Gasteizko Udalaren oniritzia dutela azpiegitura hori erabiltzeko. 2014ko urrian EH Bilduk eta PSE-EEk onartutako mozio batean gazteak bertan egotera baimendu zituzten, bestelako hirigintza egitasmo bat erabilera horrekin gatazkan sartzen ez zen bitartean. Beraz, gazteak jabetzarik gabeko bizilagunak izanda ere, etxebizitzen erabilera zilegizkoa egiten ari dira, jabearen baimenarekin. Abokatuak jakinarazi duenez, epailearen erabakia bizilagunen kontrakoa bada ere, ez dute etxebizitza unean bertan utzi beharko. Udal elkartearen gobernu batzarraren oniritzia jaso beharko du.

Errekaleorreko 26. ataria okupatu zuten lehenik; ordutik, beste hainbat okupatu dituzte, baina auzitegietara heldu diren bakarrak aitzindariak izan dira. Alde horretatik, 26.ekoen abokatuak jakinarazi du ez dela hasi beste atarien kontrako auzibiderik. Atzo bertan El Correo egunkariak hemezortzi salaketaren berri eman zuen, baina 21 Zabalguneko abokatuak hori gezurtatu zuen. Bestalde, Errekaleor Bizirik elkarteak jakinarazi du Gasteizko guardiako epaitegian salaketa jarriko dutela iragan asteko gertaerengatik. «Auzotik botatzeko legez erabili beharreko prozedura judizialaren ordez, PPk eta EAJk etxebizitza mobbing-aren bitartez bota nahi gaituzte».

Kanpaldia Plaza Berrian

Zenbait elkartek 24 orduko kanpaldia hasiko dute apirilaren 17an, Plaza Berrian, Gasteizko Udalaren etxebizitza politika salatzeko. Nabarmendu dute badirela etxebizitza soziala alokatzeko diru sarrera nahikorik ez duten pertsonak, baina baita udalak 500 etxebizitza huts dituela ere.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ertzaintzaren auto bat, artxiboko irudi batean. ©MONIKA DEL VALLE / FOKU

Santurtzin hilik topatutako adingabe baten heriotza ikertzen ari da Ertzaintza

Jon O. Urain

Ostiralean zerraldo topatu zuten senideek. Ertzaintzak baieztatu du gorpuak kolpeak zituela eta litekeena dela horien ondorioz hil izana
 ©Andoni Lubaki / Foku

Suak zerua ilundu zuenekoa

Edurne Elizondo - Nafarroako Hitza

Suteek hagitz gogor jo dute Nafarroa, eta 14.500 hektarea inguru utzi dituzte kiskalita. San Martin Unx da suak inguratutako herrietako bat. Etxerik ez dute galdu, baina izua bazter uztea ez da erraza izaten ari herriko biztanleentzat. Suhiltzaileek, berriz, baliabiderik eza salatu dute.

Eva Isturiz, Nafarroako Berdintasun Institutuko zuzendaria, Iruñeko Sarasate pasealekuan. ©Idoia Zabaleta, FOKU

«Sexu erasoetan, biktimak bere buruari egotzi ohi dio errua»

Uxue Rey Gorraiz - Nafarroako Hitza

Festetako sexu erasoen kontrako aurtengo kanpaina aurkeztu du berriki Nafarroako Berdintasun Institutuak, Berridatz ditzagun jaiak lelopean. Erasoen gaineko aurreiritziak hautsi beharra nabarmendu du erakunde horretako zuzendari Eva Isturizek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...