LARREPETIT

Irla mortura

Mikele Landa -

2018ko urtarrilak 4

Zer eramango zenuke irla mortu batera?» galderarekin hasten den jokoak erakarri egiten gaitu. Erronkak, amets bidez bada ere, berriro hasteko aukera ematen digulako. Berehala, ezinbestekoak diren gauzak detektatzen dituen balantza imajinarioa martxan jartzen dugu. Ondasun horiek badaezpadarako ditugun besteekin lar nahastuta baitauzkagu, noizbait zinez balioa izan duten baina egun soilik sentimentalak izatera pasatu diren horiekin batera.

Beraz, jokoak behartzen gaitu maleta bat hartu eta bertan sartutakoekin bakarrik bizi bat irudikatzera. Horretarako, etxeko bazterretan pilatutakoa iragaziz ezinbestean. Zakutoa osatzeak hamaika buruhauste eta esfortzu andana dakartza berarekin, baina bizitoki berrira heldu eta paketatutakoa desegiteak asebete baino ez gaitu egingo. Arauak malguak dira, ordea, galderari erantzuteko denbora nahikoa hartuz gero ondasun materialak alde batera laga eta pertsonak, sentipenak eta baita gaitasunak ere aukeratzeko apeta suertatzen da gugan. Behin amesten hasita, gure izaera eta ahalmenak ere iragazi nahian.

Urte hasiera irla mortu bat da. Amaitu berri den urtean zehar bidelagun izan ditugun ondasun horietatik, hitzaren zentzu zabalean, zeintzuekin ikusi nahi dugun gure etorkizuneko burua erabaki eta maleta hamabi kanpaikaden bitartean itxita mantentzen ahalegintzen gara. Suak egutegiekin batera erre ditzan kanpoan geratu diren guztiak. Kasu honetan, aukeraketa egitea baino, maleta behin bete ostean tranparik ez egitea bilakatzen da erronka. Zorroaren espazio libre gehiena orain arte egiteko gai izan ez garenak gauzatu ahal izateko abileziek hartzen baitute; maleta zabalduko duen horri zarratu zuenari baino borondate gehiago exijituz.

Urte berriaren laugarren egunean gauden honetan, irlan lurreratu berri, fardela desegiten egongo da zuetariko asko, iaztik mantendutakoarekin bizia berrantolatzeko ahaleginetan. Maleta ondo egin duzuelakoan izan adore, zabaldu eta bilaka ezazue irla mortua datozen 365 egunetarako zuen etxe.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©Malen Amenabar Larrañaga / Txakur Gorria
Itziar-Ondarroa
Hamabostaldia Mexikon

Hamabostaldia Mexikon

Kirmen Uribe

Berezko dudan baikortasun, ezen ez xalotasun, honek traizionatu egiten nau batzuetan. Gaztetan maite nuen Emil Cioran-en ezkortasun beltza, baina orain, zer esango dizuet, nahiago dut Bertrand Russell-en inkonformismo bizizalea. Uste genuen abuztuaren bukaeran gauzak hobeto egongo zirela Covid-aren kontuarekin, Europa eta Estatu Batuen arteko mugak zabalduko zituztela eta ez genuela arazorik izango New Yorkera itzultzeko. Baina ez da izan horrela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna