LARREPETIT

Denbora

Onintza Enbeita -

2018ko ekainak 1

Ez da egia denborak bakoitza bere lekuan jartzen duela. Halaxe esan zidan behin Alaitzek, ohikoa duen goxotasunarekin, baina zorrotz. Orduan ez nion arrazoirik eman, baina orain desberdin ikusten dut guztia: denborak ez baitu iragan baino beste ezer egiten. Eta gauzak bere lekuan jartzen dituztenak pertsonak dira. Kontua da, denborak bere bidea egiteko zain, ezer egin gabe gelditzen garela. Pentsatzen dugu erlojuan ezkutatuta dagoen zerbaitek egingo duela guretzat hain injustua izandako gertaera hartarako justizia, eta, jakina, ordulariko kristaletik ez zaigu jeinurik agertzen. Mundu guztiak ez du bere neurriko zapatarik aurkitzen, eta aurkitzen duten zenbaitek akabatu egiten dute euren neurrikoa zen oinetako hori, eta lehengo legez edo harroago jarraitzen dute. Denborak bere kabuz ez baitu ezer egiten.

Zenbat aldiz haserretu ote naizen neuretzat izan behar zuela pentsatzen nuen zerbait beste batentzat izan denean. Zenbat aldiz pentsatu dudan nik ere irribarre egin behar nuela pentsatzen nuena esan ordez. Zenbat aldiz pentsatu dudan ezarritako neurrietan sartzeak erraztuko lukeela dena. Zenbat aldiz bota ditudan malko terrenalak injustizia dibinoen kontra, eta zenbat aldiz desio izan dudan denborak merezi dudana eman diezadan. Zenbat aldiz jo dudan horma, baina ez, ez da erori: paretak hortxe jarraitzen du. Neu naiz aldatu dena: neu naiz beti putzu berean hanka sartzearekin nekatuta beste espaloira pasatzea erabaki zuena.

Denborak ez baitu pasatze hutsarekin ezer aldatzen. Gure azala zimurtuz doa, baina geuk aldatzen ez ditugun gauzak ez ditu erlojuak aldatzen. Kontua ez baita arazoei, haserreari edo pozari berari pasatzen uztea: kontua da gauzak ondo ez badaude esatea, minduta bagaude erakustea eta denborak gauzekin zer egingo duen erabaki ordez, guk geuk geure burua tokatzen zaion tokian jartzea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Athleticeko sei jokalarik positibo eman dute

Berria

PCR probak egin dizkiete futbol jokalariei eta klubetako langileei. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Maddalen Iriarte prentsaurreko batean, artxiboko irduian. ©Juan Carlos Ruiz/FOKU

EH Bilduk Eusko Jaurlaritzari eskatu dio lehen arretako zentroen egoerari konponbide bat emateko

Olatz Esteban Ezkati

Eragile politiko, sindikal, ekonomiko eta sozialen arteko elkarlanaren beharra nabarmendu du indar subiranistak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna