LARREPETIT

Ausardiaz

Goizalde Landabaso -

2017ko azaroak 14
Herri bezala hortera hutsak gara, erdipurdikoak; eta gure ordezkapen dena: erakundeak, hedabideak... jendea, horrelakoa da┬╗, esan zigun ezagun batek lehengoan. Mutu geratu ginen denak. Duela egun pare bat, Herbehereetako Gobernuak babesten duen Drugslab saioa ikusten berarekin gogoratu naiz. Youtuben: Nellie Bennerek, Bastiaan Rosmanek eta Rens Polmak egiten dute. Eurak dira aurkezle eta droga-probalari. Nederlanderaz, ingelesezko azpitituluekin. Miloi erdi jarraitzaile dute. Gazte hauek hamar minutuko bideoetan drogak probatzen dituzte. Heroina ez beste edozer. Estasia, marihuana, speeda, ketamina, popper... drogaren gaineko azalpenak ematen dituzte, zelan hartu behar diren, zein ondorio dituzten; kamera aurrean probatzen dute hori dena, eta sentitzen ari direna azaltzen dute. Bere gorputzeko tenperatura eta bihotz taupada-abiadura etengabe kontrolatuta dago. Zin dagit lilura eta harridura artean ikusi izan ditudala. Ikusleek eskariak egin litzakete. Esaterako, Rens Polmanek popper frogatu zuenean aipatu zuen sexu jardunean droga honek biziagotu egiten zuela orgasmoa; ikusle batek frogatzeko eskatu zion, eta aurkezle-probalariak kamera aurrean egin zuen. Izara baten atzean jarri, eta orgasmora heltzear zegoela popperra arnastu zuen sentitu zuena azalduz. Apurtzaileak dira erabat. Ostiralero saio berri bat dago, te-orduan.

Gurean? Nik ez dut ikusten. Norbaitek egingo balu, kalapita izugarria aurreikusten dut, eta jakina, gure gobernuek euren babesa bertan behera utzi ostean saioa debekatuko lukete. Ziur naiz. Hipokrisia? Erdipurdikeria? Ez dakit, benetan. Prestatuta gaude horrelako saio baterako? Droga gogorrak legeztatu behar dira? Horrek beste eztabaida luze bat lekarkiguke. Kontua da Herbehereetan droga kontsumoa Europako baxuenetarikoa dela. Badaude, noski, Herbehereetako droga politikak porrot egin duela diotenak. Baina nik (hain urri dugun) ausardia txalotu nahi nuke gaur.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna