LARREPETIT

Botila heldu da

Iñigo Aranbarri -

2018ko martxoak 11

Ehun eta hogeita hamabi urte ondoren, heldu da botila. Australiako hondartza batean idoro dute, mezua zekarren barnean. Denbora hori guztia behar izan du Paula alemaniar itsasontzitik bota zenetik lehorreraino heltzeko. Urte asko da ehun eta hogeita hamabi, makina bat jende sortu eta hil da tarte horretan; minaldiak trumilka eta atzaparkada bete poz-ikara, baina azkenean, heldu da. Igorlearenak ez diren beste begi batzuek irakurri dute. Hori izan dugu asteko berri nagusia. Iritsi dela orain mende pasa bidalitako mezua. Ezin izan da gehiago gordean eduki, lau haizeetara zabaldu da berria. Amaitu da, itxura batera, zazpi ozeanoetako bakarraldia.

Ondorengo egunetako gertaerak eta erreakzioak ez dira inor lasai uztekoak, baina. Berehala ekin zaio diskurtsoak antolatzeari, lotsarik gabe mudatzeari. Itsasoan zelarik botilari harrika ibili direnak luzegabe hasi dira han zirela berak ontziaren karelean aldarria munduari zabaldu zitzaionean, urteetan ibili direla putz eta putz lehorra jo zezan. Beste batzuek, berriz, ez dute berentzat hartu. Pozak txoratzen ikusi ditugu igorlearen arrakastaz mozkor, ospakizunetan ere ezin isilik egon, besteren batentzat balitz bezala botilakoa. Dena da errazagoa mezuak beti inorentzat direla sinestea.

Hiromi Yoshidak euskarari ekarritako 1928 martxoaren 15a kontakizun luzea irakurtzen, Takiji Kobayashirena. Greba prestatzen ari dira gizonak Ryukichi Ogawaren etxean. Tea eramatera doala, hizketan entzun du senarra Okeik. Emazteaz ari da sindikatuko kideekin, zaila zaiola haren pentsaera aldatzea. Okei ez dago isilik egoteko: «Iraultza sukaldean hasten da. Hori bai dela ezinbesteko printzipioa! Eta Ogawa, zu ez zara bereziki zorrotza kontu horretan».

Botila sukaldean ez ezik ohean, jangelan, komunean eta haurren zein guraso zaharren logelan dugu, eta dagoeneko ez dago inon ezkutatzerik. Heldu da heldu behar zuen tokira.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Erizain bat, gazte bati txertoa ematen, Brasilen. Umeak txertatzeko ohiko kanpainetan jaitsiera nabaritzen hasi dira aurten ©FERNANDO BIZERRA JR / EFE

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan.

 ©GORKA RUBIO / FOKU

«Pila bat entzun dut errudun izatearen sentimendua dutela»

Irati Urdalleta Lete

Beldurrak, kezkak, erruduntasun sentimendua... Askotariko bizipenak dituzte positiboek eta haiekin kontaktu estua izateagatik itxialdia egin behar dutenek. Horiek gainditzeko gakoak eman ditu Elizondok.

PCR proba bat, Indian. Bigarren herrialde kaltetuena da hura. ©SANJEEV GUPTA / EFE

Milioi bat lagun baino gehiago hil ditu COVID-19ak

Iosu Alberdi

AEBetan erregistratu dute kasu eta heriotza gehien. Euskal Herriak munduko heriotza tasa handienetako bat du: 77 heriotza 100.000 biztanleko.

Konfinamendua ezarri zuten Azkoienen. ©Idoia Zabaleta / Foku

Hegoaldeko kasuen erdiak baino gehiago, Nafarroan

Uxue Rey Gorraiz

Beste 603 positibo zenbatu dituzte Hego Euskal Herrian; Nafarroan atzeman dituzte horietatik 318. Halaber, bi pertsona zendu dira birusaren ondorioz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna