LARREPETIT

Geuria da ta geuria

Iñigo Aranbarri -

2018ko maiatzak 20

Frankismopeko Euzkadi hark aurkitu zuen aski arrazoi bere burua ikusteko Israel berrian: bi herriak ziren ibiliak noraezean, identitate bereizia zuten, sustrai sakonak eta berreskuratu beharreko hizkuntzak. Bestela esanda, bata ari zen betetzen bestearen ametsa.

Agirrek lehenengo, eta Leizaolak gero, ahalegin handiak egin zituzten buruzagien arteko harremanak sendoak izan zitezen. Bestalde, britainiarren agintearen kontra ari zen Irgun talde armatuak ere Euzko Gaztedikoen miresmena jaso zuen; Menahen Begin ez zen edozein, are gutxiago terrorista bat; esan gabe doa zelako poza ekarri zuen estatu berriak nazioartearen onespena jasotzeak. Kibutzen funtzionamendua zela edo hebraieraren miraria halakotzeko metodoak, adorean eta gogoan, zenbat zegoen ikasteko! Denborak apaldu eta epeldu ez zuen ituna: nekez uler liteke berrozien eta Ertzaintzaren sorrera eta formazioa israeldar armadaren eta zerbitzu sekretuen laguntzarik gabe.

Beraz, ez da harritzekoa Gazako gertaerek zirkinik txikiena ez eragitea Euskal Erdiko agintarien artean, izan gobernu, diputazio zein udal mailan. Gordin esanda, egun bakar batean 60 zibil palestinar hiltzea arrazoizko kopurua da nazioarteko joera hau den artean, jan litekeena. Ez da «bizitzarako eskubideaz» mintzatzeko unea; eta ezinbestean hitz egin beharra badago «autodefentsa» aipa liteke, edota ergelena ere iratzartzeko moduko «Hamas talde terrorista da» maiztua. Bestelako egoera genukeen palestinar suizida batek autobus bete jende leheratazi izan balu Tel Aviv erdian.

Garena gara; harreman historikoen, sinpatia argien eta identifikazio garbien aldamio itxuraz etikaz jantzia. Ekonomiak, euskal esportazioak aipatzea besterik ez dago, ematen dio errematea. Eta joku horretan, palestinarrek deus gutxi dute jasotzeko tartean behineko errukizko begirada ez bada.

Eurovisiona irabazi izan balute sikiera.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna