Albistea entzun

Europako 32. Zinema sariak banatuko dituzte gaur Berlinen

Pedro Almodovarren 'Dolor y gloria', Roman Polanskiren 'J'accuse' eta Marco Bellochioren 'Il traditore' dira faborito nagusiak

Erredakzioa -

2019ko abenduak 7

Pedro Almodovarren Dolor y gloria, Roman Polanskiren J'accuse, Marco Bellochioren Il traditore, Ladj Lyren Les misérables, Yorgos Lanthimosen The Favourite eta Nora Fingscheidten System Crasher: horiek dira gaur Berlinen banatuko diren Europako Zinema sarietan film onenaren saria jasotzeko hautagaiak. Hain zuzen ere, Almodovar, Polanski eta Bellochiorenak dira zinema sarietara ondoen kokatuta iritsi diren filmak, horietako bakoitzak lau hautagaitza lortu baititu, eta horien artean, film onenarenaz gain, baita zuzendari onenarena ere. Lanthimosek eta Celine Sciammak (Portrait de la jeune fille en feu) osatzen dute sari hori jaso dezakeen boskotea.

Emakumezko aktore onenaren atalean Noemi Merlant eta Adele Haenel (Portrait de la jeune fille en feu), Olivia Colman (The Favourite), Helena Zengel (System Crasher), Trine Dyrholm (Dronningen) eta Viktoria Miroshnichenko (Dylda / Beanpole) daude saria jasotzeko izendatuak; eta gizonezko aktore onenaren atalean, berriz, Antonio Banderas (Dolor y gloria), Jean Dujardin (J'accuse), Pierfrancesco Favino (Il traditore), Levan Gelbakhiani (And Then We Dance), Alexander Scheer (Gundermann) eta Ingvar E. Sigurdsson (A White, White Day).

Dokumentalaren atalean, honako hauek dira saria jaso dezaketenak: For Sama (Waad Al-Khateab eta Edward Watts), Honeyland (Tamara Kotevska eta Ljubomir Stefanov), Svideteli Putina (Vitaly Mansky) Selfie (Agostino Ferrente) eta Storia di B.-La scomparsa di mia madre (Bieniamino Barrese).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Euskal Herriko Gazte Orkestraren entsegu bat, abenduan. ©Juan Carlos Ruiz / Foku

ESAS Emakume Sortzaile eta Artisten Sarea sortu dute, ikusgaitasuna xede

Itziar Ugarte Irizar

Euskal lurralde guztietako musikari profesional batzuek abiatu dute proiektua, baina musikaz haragoko diziplinetara heltzea da asmoa.

Kultur ekitaldi bat, udan. ©Gorka Rubio, Foku

Pandemiak kulturan izandako eragina aztertzeko mintegia BERRIAn

Berria

Urtebetean COVID-19ak Euskal Herrian izan duen eragina aztertzeko bigarren online mintegia egingo du BERRIAk hilaren 10ean, 19:00etan: Sortzaileak garai pandemikoan. Izena emateko epea irekita dago, eta hori egiten dutenek galderak egiteko aukera izango dute. 

1 ©ALEMANIAKO ARTXIBO FEDERALAK / EZEZAGUNA

Goeringen artekaria gure artean

Amagoia Gurrutxaga Uranga

Bigarren Mundu Gerra garai oparoa izan zen naziek espoliatutako artelanen negozioan sartzeko prest zeudenentzat. Horietako bat izan zen Alois Miedl enpresaria. Artelan ugari pasarazi zituen Euskal Herritik barrena, Espainiako eta Portugalgo merkatuetara bidean. Hainbat euskal herritar izan zituen laguntzaile horretan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna