Noiz sortua: 2018-06-08 00:30:00

Gipuzkoako hondakinak Zabalgarbira eramateko atea ireki dute aldundiek

Akordiorako oinarria lortu dute Bizkaiak eta Gipuzkoak 2019ra arte, Zubietako errauste planta eraikitzeko lanak bukatu bitartean
Zabalgarbi erraustegia, artxiboko irudi batean.
Zabalgarbi erraustegia, artxiboko irudi batean. MONIKA DEL VALLE / FOKU Tamaina handiagoan ikusi

Ane Zurutuza Irastorza -

2018ko ekainak 8

Akordiorako oinarria lortu dute bi lurraldeetako aldundiek. Gipuzkoako Ingurumen diputatu Jose Ignacio Asensiok atzo jakinarazi zuenez, 2018ko irailean hasi eta 2019an zehar Bizkaira eramango dute Gipuzkoako hondakinen parte bat, Zubietako erraustegia martxan jarri bitartean. Diputatuak ez du argitu Bizkaian nora bidaliko duten zaborra, baina ez du baztertu Zabalgarbiko plantan erraustuko denik.

Aurreakordioa GHK Gipuzkoako Hondakinen Kontsortzioak onartzeko dago oraindik; datorren astean bozkatuko dute. Akordioak iraungo duen epean bi aldi bereiziko dituztela iragarri du Asensiok. Lehena 2018. urteko irailaren 1ean hasi eta abenduaren 31n amaituko da. Epe horretan, 20.000-25.000 tona hondakin bidaliko dute Bizkaira, astean 1.200-1.300 tona. Bigarren aldia 2019. urtea izango da, eta ez dago data zehatzik; gutxienez 25.000 tona igorri beharko ditu Gipuzkoak urtean zehar, eta gehienez, 60.000. Asensio pozik azaldu da adostutako baldintzekin, Gipuzkoari «malgutasuna» eskaintzen baitiote.

Prezioak ere ez dira berdinak izango hitzarmenak irauten duen epe osoan. 2018an, Gipuzkoak inolako tratamendurik gabe bidaliko ditu hondakinak; horren ondorioz, egun indarrean dagoen prezio publikoari (tonako 119 euro) gainkostu bat gehitu beharko zaio (tonako 15,54 euro). 2019rako, ordea, espero dute Zubietako TMB tratamendu mekaniko-biologikoko planta martxan jarri eta hondakinak tratatuta bidaltzea; horregatik, prezio publikoa bakarrik ordaindu beharko dute. «Trantsizio urte» gisa definitu du Asensiok 2019a, udazkenerako espero baitute erraustegia martxan jartzea.

Hala ere, ez du zehaztu non bukatuko duten hondakin horiek. «Garbiker enpresarekin egin dugu hitzarmena, baina ez dagokit niri haiei esatea nola egin behar duten lan». Garbikerrek Bizkaiko hondakinak kudeatzen ditu; birziklatzen ez den zabor gehiena Zabalgarbi errauste plantara bideratzen dute, eta frakzio txiki bat, zabortegietara. Asensioren arabera, litekeena da tratatu gabeko hondakinak Bilboko TMB plantara eta ondoren Zabalgarbira heltzea; dena den, 2019an Gipuzkoako TMB planta martxan jarri eta zaborra tratatuta bidaltzean, Artigas zabortegira ere eraman ahal izango dute.

Asensiok «oso positibotzat» jo du akordioa; nabarmendu du 2019a izango dela hondakinak kudeatzeko zerbitzuak «beste lurraldeei eskatu beharko zaizkion» azken urtea. «Autonomo bilakatuko gara». Edonola ere, Bizkaiak ez ditu bere gain hartuko Gipuzkoako hondakin guztiak, GHK-k Mutiloako zabortegiarekin duen kontratua luzatu baitu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Hauteskunde Batzordeak bihar aztertuko du Ordiziako egoera

Hauteskunde Batzordeak bihar aztertuko du Ordiziako egoera

Arantxa Iraola - Jon Ordoñez Garmendia

Ordiziako positiboekin lotutako 48 kasu zenbatu dituzte dagoeneko. Maskara erabiltzea nahitaezkoa izango da Gipuzkoako herri horretan, eta tabernetako jarduna mugatu egingo dute. Beste taberna bat itxi dute, langile batek «positibo ahula» eman duela eta.

PCR probak egiten, aste honetan, Ordizian. ©JON URBE / FOKU

Maiatzaren 20tik ez zen hain datu txarrik positibo berrietan

Mikel P. Ansa

Hego Euskal Herrian azkeneko 24 orduetan 35 kasu positibo berri agertu dira PCR probak eginda. Maiatzaren 20an 31 kasu izan ziren, eta hilabete eta erdian ez da hain emaitza txarrik izan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna