Albistea entzun

Urtarrilaren 16an hasiko dituzte aurtengo maskaradak, Atharratzen

Atharratze eta Alozeko gazteek egingo dituzte aurten maskaradak, eta, apirilaren 17ra bitarte, Zuberoako hamabi herri bisitatuko dituzte guztira
Maskarada bat, 2020an, Altzürükün.
Maskarada bat, 2020an, Altzürükün. BOB EDME Tamaina handiagoan ikusi

Erredakzioa -

2022ko urtarrilak 6

Historiaren apetak. Koronabirusak sortutako osasun larrialdiaren eraginez, ia atez ate joango dira 2021eko eta 2022ko maskaradak Zuberoan, tartean astebeteko etenaldia baino izango ez dutela. Barkoxeko gazteei ezinezko egin zitzaien iazko neguan hastea, horregatik ekin zioten udan, eta larunbatean amaituko dituzte, Barkoxen. Justu astebeteko atsedenaldiaren ondoren hasiko dira Atharratze eta Alozeko gazteenak, urtarrilaren 16an, zehazki, Atharratzen bertan.

Dantzan.eus webguneak eman du daten berri; zehaztu duenez, guztira hamabi herri bisitatuko dituzte maskaradek aurten, eta azkena apirilaren 17an egingo dute. Joimo Aranzet ari da gazteekin errejent eta dantza irakasle, eta hark helarazi die arizaleei emanaldiei buruzko informazioa. Frank Berhouet izango da jauna, esaterako; Kattalin Errezarret eta Lisa Loustau izango dira andereak; Clement Hastoy eta Maika Lafont-Etxeberri laborariak; Laurie Sagardoiburu laborarisa, eta Antton Aranzet zamaltzaina. Halaber, Clement Errezarret eta Mathilde Baque izango dira xorrotxak; Guillaume Rekalt Kabana; Bixente Baque Pitxu; Marina Oskunegarai eta Laure Oskunegarai kerestuak; Patrick Jonet, Nicolas Arhie, Jerome Garicoix eta Anna Iraola kauterak, eta Johañe Iriart buhame jauna. Horiek, beste hainbaten artean.

Dantzan.eus atariko kideek gogoan izan dute Allande Sokarros kazetariak BERRIArako egin ohi zuen maskaradei buruzko lana ere, eta haren jarduna laudatu dute —duela hilabete zendu zen Sokarros—.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Nelly Arcan idazle quebectarra (1973-2009). ©ADAM BILINSKI

Luxuaren azpietatik

Itziar Ugarte Irizar

Literatura ikasketak egin artean luxuzko 'scort' lanetan aritu zen Nelly Arcan idazlea, eta garai hartan ikusitakoak garratz aletu zituen 'Puta' bere lehen eleberrian. Euskarara ekarri berri dute.
Michael Jacksonek 24 urte zituen <em>Thriller</em> kaleratu zuenean. ©BERRIA

Pop musika irauli zuen diskoa

Mikel Lizarralde

1982an argitaratu zuen Michael Jacksonek 'Thriller', eta, 40 urte geroago, historian gehien saldutako diskoen artean segitzeaz gain, kantariaren obra nagusia da. Hainbat bitxikeriarekin berrargitaratu berri dute.
 ©NEVER FOR EVER

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Informazio osagarria

Iruzkinak kargatzen...