Albistea entzun

Maixus Rekalde. Planifikatuta utzi zuen: egoitza batera

Rekalde bere egungo bizilekuan, Petra Lekuona egoitzan.
Rekalde bere egungo bizilekuan, Petra Lekuona egoitzan. GORKA RUBIO / FOKU Tamaina handiagoan ikusi

Arantxa Iraola -

2019ko apirilak 21 - Oiartzun

Ezkongabea da Maixus Rekalde (Oiartzun, Gipuzkoa, 1934), seme-alabarik ez du, eta ilobengana jo zuen diagnostikoarekin: jada zaintza plan bat buruan zuela. Hiru ilobaren inguruan ardaztu ditu erabaki nagusiak, eta haien esku utzi zituen aurretiazko borondateen agiria —heriotzarako irizpideak ematen ditu, osasun arretara begira—, testamentua, eta bere diru kontuak-eta mugitzeko ahalak. Diagnostikoaren osteko une zail horietan ere, bizitza osoan erakutsi zuen «argitasuna» berretsi zuela diote ilobek. Erabaki bat ere argi zuen ordurako: «Zahar etxe batera joan nahi zuen: egoitza batera. Oso garbi zuen». Eritasuna diagnostikatu berritan, hainbat urte egin zituen oraindik bere etxean, oinarrizko zaintza sare batekin —familiarena, eta etxeko lanetan laguntzen zion etxeko langile batena—: bizi kalitate onean. Ohikoa zuen borrokarako senaz ere bai. Afagi elkartean, esaterako, kexua azaldu zuen ez zutelako euskaraz eskaintzen memoria lantzeko tailerrik, eta haren eskeari lotuta jarri zuten abian zerbitzua. Hizkuntza Eskubideen Behatokiak eredutzat hartu zuen Rekalderen aldarria, eta bideo bat egin zuen 2015ean eskabide horren gainekoekin.

Ekintza horrekin, konpromiso irmoko bizitza oso bat biribildu zuen Rekaldek. Eliza katolikoaren barruko erakundeetan —Txilen egin zuen aldi bat; Pinocheten estatu kolpeari buruzkoak gordin kontatzen zituen—, hedabideetan eta Elkarrin ibili zen, besteak beste. Ardura postuetan, gainera, usu: lehen lerroan. Betiere, «gizartean txertatutako» egitasmoetan oroitzen dute etxekoek. Ahaztuak ditu horiek guztiak orain. Oiartzungo Petra Lekuona zahar etxean dago gaur egun: gero eta urrunago, baina osasun onean oraindik. «Esaten du: 'Hara! Baina ni Ameriketan izana al naiz, ba?'».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©Aitziber Arzallus - Gipuzkoako Hitza

«Espero dut orain sendaezinak diren gaixotasunak sendatzen ikustea»

Aitziber Arzallus - Gipuzkoako Hitza

Familiatik jaso du neurologiaren inguruko interesa Itxaso Martik, aita eta ama profesional entzutetsuak izandakoak baititu. Maite du bere lanbidea, nahiz eta aitortu une zail asko tokatzen zaizkiola.

Ertzaintzaren helikopteroa erreskate lanetan, gaur, Aralarren. ©BERRIA

Berrobiko mendizale bat hil da Balerdi mendian, Aralarren

Berria

39 urteko mendizalea 50 metrotik behera erori da. Ertzaintzaren helikopteroaren laguntzarekin erreskatatu dute gorpua.

Atzo Jon Rodriguez omendu zuten milaka lagunak, errepidean. ©Urtzi Urkizu

Furgoneta gidari bat atxilotu dute, txirrindulari bat nahita harrapatzeagatik Hondarribian

Berria

Mendelu auzoko kamerei esker identifikatu dute ibilgailua, eta gendarmeek atxilotu dute gidaria. 69 urteko txirrindularia ospitaleratu egin dute. Eztabaida bat izan zuten aurretik.

Jose Navarro, Francisco Fernandez eta June San Millan, Irati Jimenez moderatzailearekin batera. ©IÑIGO URIZ / FOKU

Salatu dute osasun krisian espetxeetan ez dela osasuna lehenetsi

Ane Eslava

Kartzeletan pandemia nola kudeatzen ari diren aztertzeko, mahai inguru bat egin dute Iruñean, APDHA, Sirecovi eta Salhaketa taldeetako kideekin. Eskubide urraketak izan direla kritikatu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.