Elixabete Etxanobe EAJren Bizkaiko ahaldungai nagusiak berretsi egin du Urdaibain Guggenheim museoa eraikitzeko konpromisoa, eta Gernikan egindako ekitaldi batean lehenengo lanak iragarri ditu: esan duenez, uda ostean hasiko dira eraikin zaharrak eraisten, museoa eraikitzeko aukeraturiko orubean.
Etxanobek azaldu duenez, eraiste lanak lizitatzeko prozesua abian da jadanik, eta datozen asteetan lizitatuko dituzte orubetik kutsadura desagerrarazteko lanak ere, Dalia enpresa zaharra zegoen tokian. «Gernikari eta Urdaibairi etorkizun berri bat emango diogu. Egitasmo honek aukera ematen digu eskualde osoan garapen ekonomiko eta kulturala bultzatzeko», adierazi du hautagai jeltzaleak.
EAJ, Urdaibaiko Guggenheim museoaren alde
Iruzkinak
Ez dago iruzkinik
Ordenatu