Paxlovid antibirala heldu da Hego Euskal Herrira

Pfizer konpainiaren Paxlovid botika antibiralaren 722 unitate jaso dituzte Hego Euskal Herriko administrazioek: 556 Eusko Jaurlaritzak eta 166 Nafarroako Gobernuak. Apirilaren 4an hasiko dira pazienteei errezetatzen. Sendagai horrek apaldu egiten du SARS-CoV-2 birusaren gaitasuna, organismoan ugaltzekoa, eta eraginkorra da ospitalizazioak eta heriotzak eragozteko. COVID-19 larria pairatzeko arrisku faktoreak dituztenei errezetatuko diete soilik.