Albistea entzun

SOSLAIA. Gabriel Korta

Poeta bere biluzian eta gordinean

ANDONI CANELLADA / FOKU Tamaina handiagoan ikusi

Amagoia Gurrutxaga Uranga -

2020ko otsailak 5

Gabriel Korta Donostian jaio zen, 1951ko otsailaren 23an. Harena etenez eta poesiaz beteriko ibilbidea da; horren ispilu dira argitaratu zituen sei liburuak. 1980an irten zen Isiletik (Ustela); 1985ean amaitu eta argitara gabe utzi zituen Kukuaren kukantzak eta Maitasunaren indarra; 1986an eskaini zizkien irakurleei Okaranak (Susa); eta, hamabost urteko etenaren ostean, Harri hautsiak (2002) eskuetan itzuli zen, JosAnton Artze, Iñaki Bastarrika, Jose Luis Padronek, Concceta Probanza, Andoni Salamero eta beste ondoan zituela. Etenari buruz, honakoa adierazi zion Juan Luis Zabalari Euskaldunon Egunkaria-n: «Gaixo egon nintzelako izan da hori. Eskizofrenia agerraldi bat izan eta ingresatu egin ninduten».

Kortak berak editatu zuen liburu hura, baita ondorengo guztiak ere: Laugarrenak lau (2010) antologia —aurreko hiru liburuak berridatzita eta Testigantzak izeneko sorta erantsita osatu zuen—, Elurra galtza motzetan (2012), Diot (2013) eta Maitasunaren indarra (2016). Guztietan, poesia zer den jakireko nahia, bakardadea, pertsonaren barrunbeak eta munduaren egoerarekiko kezka zituen hizpide. Askotan, gordintasunez eta biluztasunez. Honela idatzi zuen Elurra galtza motzetan poemarioaren hitzaurrean: «Norbera da bere bizitzaren moldekatzailea. Aske naiz, eta ni naiz, nire bizitzaren arduradun bakarra; eta jakin, edo badakizue askatasunaren prezioa, bakardadea dela. Hori estigmarena kontuan hartu gabe. Zeren bakardadea ez dut nik beti bilatzen. Ze gaiztoak zareten batzuk psikiatrizatuekin...!».

Herenegun hil zen poeta, bizitoki zuen Errenterian (Gipuzkoa).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Joey Jordison bateria jotzailea ©STEVE C. MITCHELL, EFE

Joey Jordison hil da, Slipknot taldeko bateria jotzaile ohia

Oihane Puertas Ramirez

Atzo hil zen, 46 urte zituela. Rob Zombie, Metallica eta Ministry taldeekin ere egin zuen lan Jordisonek.

Lena Lanskihren 'Nich'ya' filmeko irudi bat. ©Donostiako Zinemaldia

Hamabost herrialdetako hamahiru film Zinemaldiko Zuzendari Berriak sailean

Andoni Imaz

Hautatutako filmetatik bostek hartu izan dute parte Donostiako Zinemaldiaren Industria ataleko programetan. Bederatzi debut eta lau bigarren lan dira; Silvina Schnicer eta Ulises Porra zuzendariak bigarren aldiz lehiatuko dira Zuzendari Berriak sailean, Tigre erakutsi zuten-eta 2017an.

Mintzolak EHUren udako ikastaroetan parte hartu izan du; irudian, aurten Donostian egindako bat. ©GORKA RUBIO / FOKU

Mintzolak amaitutzat eman du bidea

Berria

Patronatuko kideek aho batez erabaki dute fundazioa desegitea. Euskaltzaindiari proposatu diote lekukoa har dezala ahozkotasunaren ikerketan eta hedapenean. Bertsozaleen Elkartetik fisikoki banandua egongo da

 ©JAGOBA MANTEROLA / FOKU

«Gune hau aztarnategi osoaren garapenaren lekuko txiki bat da»

Ane Eslava

Zalduako aztarnategiko aurtengo indusketa kanpaina bukatu berri da. Termen eraikinean urtero egiten dituzten aurkikuntza txikiek balio dezakete erromatarrek Pirinioetan zer eragin izan zuten jakiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.