Albistea entzun

Udal eta foru hauteskundeak. BOZ GORA

Sostengua, babesa, konfiantza

Gotzon Hermosilla -

2019ko maiatzak 18

Unai Rementeriaren Andoni arrain saltzaileak eta Iñaki Anasagastiren Charlie Otegiren aingeruek ostendu egin dute, ordu batzuez bada ere, hauteskunde kanpainan hasi zenetik sare sozialetan puri-purian egon den beste eztabaida: Carles Puigdemont buru duen JxC Junts Per Catalunya zerrendak nolako emaitzak izan ditzakeen Hego Euskal Herrian Europako Parlamenturako hauteskundeetan.

Kanpaina hasi bezain pronto, mezu ugari barreiatu dira sarean, euskal herritarrei Puigdemont presidentea buru duen zerrendaren aldeko botoa eskatzeko. Bi multzori zuzendu dizkiete mezuak: alde batetik, Kataluniako prozesua begi onez ikusten duten euskal subiranistei elkartasunerako deia egiten zaie, nabarmenduz Puigdemont Espainiako Estatuaren jazarpena pairatzen ari dela eta hari emandakoa dela «Espainiari min handien egiten dion botoa».

Beste aldetik, EAJren ohiko boto emaileak ere begiz jo dituzte: JxCrekin koalizioa egin ez izanak garesti jarriko dio Izaskun Bilbaori Europarako bidea, eta gerta liteke hari bideratutako boto guztiak alferrik galtzea. Jeltzaleek Europakoetan Puigdemont aukeratzea, elkartasun keinua ez ezik, boto horiei balioa emateko modua ere litzateke, aukera horren aldekoen iritziz.

Haserrealdiren bat ere ekarri du eztabaidak. Baina hauteskundeak igaroko dira, Kataluniaren eta Euskal Herriaren nazio aldarrikapenek hor jarraituko dute, eta bi herriek inoiz baino beharrezkoago izango dituzte elkarren sostengua, babesa eta konfiantza. Hori lehenetsi beharko luke estrategia subiranista bat abian jarri nahi duen edonork, Katalunian zein Euskal Herrian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Igor Suberbiola, gaur, kartzelatik atera berritan. ©BERRIA

Aske gelditu da Igor Suberbiola euskal presoa

Maddi Ane Txoperena Iribarren

Gaur goizean atera da Mont-de-Marsango espetxetik. Hamahiru urte egin ditu preso.

Louis Labadot Mauleko alkatea. Haren taldeko bi kide kargugabetu dituzte. ©JOANES ETXEBARRIA

Mauleko bi zinegotzi kargutik kendu dituzte

Edu Lartzanguren

Jean-Patrice Bassano finantza zinegotziaren eta kulturako Clement Pottierren hautaketa baliogabetu dute, herriko bozetako zerrendetan egon ahal izateko baldintzak betetzen ez zituztela argudiatuta.

Zaballako kartzelaren argazki bat, iazkoa. ©JAIZKI FONTANEDA / FOKU

Etxerat-ek salatu du berriz ere eten dituztela euskal presoen bisean bisekoak

Maddi Ane Txoperena Iribarren

COVID-19aren kutsatzeen gorakadaren ondorioz hartu dute erabakia. Presoen senideen elkarteak neurriak «humanizatzea» galdegin du

Zaballako kartzelaren irudi bat, iazkoa. Han daude euskal preso ugari. ©JAIZKI FONTANEDA / FOKU

Etxerat-ek salatu du berriz ere eten dituztela bisean biseko bisitak

Maddi Ane Txoperena Iribarren

Espainiako Espetxe Erakundeek COVID-19aren kutsatzeen gorakadaren ondorioz hartu dute neurria. Euskal presoen senideen elkartearen ustez, espetxetik ateratzeak eta koronabirusari aurre egiteko neurriak «humanizatzeak» izan behar dute lehentasun.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.