Hamar pilotari Bigarren Mailako buruz burukoan

Lehen Mailakoarekin batera, atzo Bigarren Mailako buruz burukoaren kanporaketak zozkatu zituzten. Txapelketa larunbat honetan hasiko da, bi atarikorekin: Agirre Erasunen aurka, Iruñean; eta Peña II.a, Urretabizkaiaren kontra, Ikaztegietan. Final-laurdenak, berriz, apirilaren 29ko asteburuan jokatuko dira, eta jadanik zehaztuta daude: Gorkak Erostarberen aurka jokatuko du; Dariok Bakaikoaren kontra; Ugaldek Iruñeko atarikoko irabazlea izango du aurkari, eta Etxeberriak, Ikaztegietakoa. Finala maiatzaren 19an jokatuko da, zehazteke dagoen pilotaleku batean. Txapelketak hutsune handi batzuk izango ditu, ez direlako ariko Jon Jaunarena, Ander Imaz, Mikel Larunbe eta Julen Martija.