Albistea entzun

KRITIKA. Opera

Bizargin teatrala

Jesus Mari Begoña -

2016ko maiatzak 20

'Il Barbieri di Siviglia'

Autorea: Gioacchino Rossini. Zuzendaria: Jose Miguel Pérez-Sierra. Musikariak: Nafarroako Orkestra Sinfonikoa eta Bilboko Opera Koroa. Non: Bilboko Euskaldunan. Noiz: Maiatzaren 17an.

Operazaleen gustukoa izan arren, antzezpenaren zama handiarekin etorri da OLBEren denboraldiko azken opera. Ohikoan hori ez da arazoa, opera antzezpena baita, baina egon badago arriskurik antzerki musikal batean erortzeko. Gure kasuan, ez da horrelakorik gertatu partiturak duen kalitateagatik eta Emilio Sagik daukan tentu estetikoagatik. Baina larregi iruditu zaigu eszena zuzendariak jarri dituen konpartsak, etengabe dantza, jauzi eta osteratxoak egiten agertokitik, batzuetan abestien kalterako. Agian, halako continuum teatralak zerikusia zeukan abesgintzaren mailarekin?

Agian, bai; abeslariek, zuzen ibili arren, ez baitzuten behar bezalako maila erakutsi, Don Bartoloren rolean Carlos Chaussonen kantaldi eta antzezpena agertu arte. Esaterako, Marcok ahots indartsua eta ziurtasuna adierazi zuen, baina laua izan zen Figarok eskatzen duen graziarako. Beste horrenbeste gertatu zitzaion Nicola Uliveri baxuari, Don Basilioren rolean. Berriz, Michele Angelini tenorrak trebezia erakutsi zuen gurguiluetan, fraseoan eta afinazioan, baina bolumen txikiko ahotsa estalita geratu zen orkestra eta beste abeslarien azpian. Annalisa Stroppa mezzoak, ahots boteretsuarekin, batzuetan ilun samar, baina polito antzeztu zuen Rosinaren rola. Aldiz, asko gustatu zaigu Susana Cordonen kantaldia Bertaren rolean, baina gutxi hortik kanpo egindako sobreaktuazioa, etengabe keinuka mimoa balitz bezala. Chaussonek eman zuen baxu bufo batek kantuan eta antzezpenean eman beharreko maila, eta hark jaso zuen txalo gehien. Beste rol txikietan Arrabalek, Santamarinak eta Arroyok konplitu zuten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Anari Alberdi. ©JABOGA MANTEROLA / FOKU

Prosaz haragoko udazken bat

Iñigo Astiz

Anari Alberdiren liburua da udazkeneko literatur nobedaderik deigarrienetako bat, baina Agirreren, Epaltzaren eta Ibarzabalen nobelak, Zalduaren ipuinak eta komiki esanguratsuak ere badira tartean

 ©ANDONI CANELLADA / FOKU

«Oraindik ez naiz igandeko zurrunbilotik guztiz atera»

Miren Mujika Telleria

Joanes Illarregi izan zen nagusi Bertsolari Txapelketa Nagusiko bigarren kanporaketan. Eta, hain zuzen ere, garaipen horrek berak eman dio finalaurrekoetarako aukera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...