Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Jose Luis Etxeberria, 'Porru'. Arrasateko udaltzainburua 1981etik 2012ra

«Frogatu genuen droga kuarteletik ekartzen zutela, baina ez zen komeni jakitea»

Arrasaten droga nork banatzen zuen jakiteko, jarraipenak egin zizkieten hainbat ibilgailuri, eta susmoak baieztatu zituzten: Polizia zegoen atzean. Salaketa, halere, ezerezean geratu zen.
MONDRABERRI

Oihan Vitoria -

2015eko irailak 6 - Arrasate

1980ko urteetan droga trafikoaren eta Guardia Zibilaren arteko lotura frogatzeko ahaleginak ez ziren salbuespen. Hamalau urtez Jaurlaritzako lehendakari izaniko Jose Antonio Ardanzak, adibidez, tesi horri eutsi dio. Bere memorietan (Pasión por Euskadi) aitortua du: «Arrasateko alkate nintzela, bagenuen drogaren erabilera politikoari buruzko susmoa». Herrira droga banatzera heltzen ziren ibilgailu batzuk jo puntuan jarri, eta «susmagarritzat» jo zituzten. Informazioa biltzeko eta ikertzeko eskatu zien udaltzainei. Agindua ez du ahantzi Jose Luis Etxeberria Porru-k (Arrasate, Gipuzkoa, 1957), 1981etik 2012ra herriko udaltzainburu izandakoak.

Nola oroitzen duzu izendatu berritan jasotako lehen agindua?

Oroitzen dut hainbat alditan egin genizkiela jarraipenak ibilgailu horiei kaleko jantzitako poliziek.

Susmoak baieztatu zenituzten?

Bi tokitara iritsi ginen: Guardia Zibilaren Bilboko La Salve kuartelera eta Donostiako Intxaurrondo auzokora. Ez zen kasualitatea.

Zehazki, zer ikusi zenuten han?

Frogatu genuen droga kuarteletatik ekartzen zutela Arrasatera, baina ezerezean geratu zen salaketa, ez zegoelako interes handirik hori jakiteko. Etsigarria zen.

Ez zitzaizuen otu auzitara jotzea?

Matrikula zenbakiak oroimenean gorde, eta saiatu ginen epaile batzuen aurrean hori guztia frogatzen. Baina, jakina, espero bezala, ezinezkoa egin zitzaigun. Inork ez zuen askitzat jo ikerketa irmo bat abiatzeko; matrikula faltsuak ziren atzemandako gehientsuenak.

Ikertzeko borondatea falta zen?

Oso agerikoa da ez zegoela borondaterik ikertzeko. Ez zen komeni kontu hori jakitea, ez eta argitara ateratzea ere; ugariak ziren presioak, eta galduta daude agiriak.

Horrek, ordea, ez zuen estali orduan zeneukaten susmoa. Gerora, jo al zenuten beste aterik?

Kontua ezerezean geratu arren, egia da garai horretan sekulakoa zela herrian drogaren arazoa. Kaleko jantzitako guardia zibil batek Arrasaten izandako istripu batean ere hala baieztatu genuen bertatik bertara. Izan ere, drogak eta armak topatu genituen haren autoan; etxebizitzak arakatzen ere ibili ginen, droga gehiagoren bila.

Eta herritarrek nola hartu zuten?

Herritarrak protestan aritzen ziren sarri. Pentsa, behin, miaketa baten ostean, Porru ez, porro bai! oihukatu zidaten [Barreak]. Eta ez da kasualitatea Guardia Zibilak Arrasate moduko herri bat hautatzea droga banatzeko: ETAko buruzagiak, izen handiko politikariak, kooperatibak... Bai politikoki, bai sozialki eta bai ekonomikoki, indar handiko herria zen Arrasate. Nahita aukeratu zuten.

Trantsizio osteko urteetan, drogaren kontsumoa soilik ez, lapurretak ere areagotu egin ziren...

Hainbat drogazalek bortizkeriara jo zuten droga lortzeko, eta lapurretak areagotu ziren, bai: tabernetan, kalean, dendetan, lokaletan... Herritar batzuk gurekin batera aritzen ziren kaleak zaintzen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Makina bat lanean, atzo, A-15 autobidean, Leitza (Nafarroa) parean. ©Jagoba Manterola / Foku

Aurreikusi dute uholdeak izango direla Euskal Herrian

Berria

Jaurlaritzak Uholdeei Aurre Egiteko Plan Berezia aktibatu du. Nafarroa erdialdea alerta gorrian dago, eta Ipar Euskal Herrian alerta naranja aktibatu dute. 500-600 metro inguruko altueran ari du elurra.    

 ©BERRIA

PANDEMIA BATEN LEHEN KONPASAK

Arantxa Iraola - Gorka Berasategi Otamendi

Ofizialki 1981. urtean jakinarazi ziren oraindik izenik ez zuen eritasun batek eragindako lehenengo kasuak: orain lau hamarraldi. Hiesaren pandemiaren hasiera izan zen. Bereziki erasokorra izan zen lehen urteetan; botikarik ez zen, eta diagnostikatu eta urte gutxira hiltzen ziren paziente asko.

Bezeroak Iruñeko jatetxe bateko sarreran COVID-19 ziurtagiria erakusten, bazkaltzera sartu aurretik. ©IDOIA ZABALETA / FOKU

Atezainak Nafarroako jatetxeetako atarietan

Iker Tubia

Jatetxe handietan COVID-19 ziurtagiria eskatzen ari dira atzoz geroztik. Bezeroek prest eramaten dute, gehienek sakelakoan. Zenbait bazkari bertan behera utzi dituzte, eta beste batzuetara jende gutxiago azaldu da.

 ©BERRIA

Hiltzaile iheskorraren erradiografia

Ion Orzaiz

Urteetan, galdera ugari eragin ditu GIB birusak komunitate zientifikoan. 40 urteko ibilbidearen ostean, inkognita gehienei erantzuna ematea lortu du zientziak. Ohikoenetako batzuk bildu ditu BERRIAk.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.