PSOEk 155.a aipatzeak haserretu egin ditu Kataluniako independentistak

JxCk baztertu egin du Sanchez babestea, eta ERCk Ciudadanosetik aldentzeko exijitu dio
Quim Torra Kataluniako presidentea, atzo, Generalitateko gobernuaren bileran, Bartzelonan.
Quim Torra Kataluniako presidentea, atzo, Generalitateko gobernuaren bileran, Bartzelonan. ALEJANDRO GARCIA / EFE Tamaina handiagoan ikusi

Mikel Rodriguez -

2019ko irailak 18

Kataluniako alderdi independentistek ez dute jarrera aldatu uztail bukaeran egin zen inbestidura saioaz geroztik. Laura Borras JxC Junts Per Catalunyako Espainiako Kongresuko ordezkaria atzo goizean elkartu zen Felipe VI.a Espainiako erregearekin, eta baieztatu zuen JxCk ezezko botoa emanen ziola Pedro Sanchezi, hura berriz aurkeztuko balitz inbestidurara. ERC Esquerra Republicanak uko egin zion Felipe VI.arekin elkartzeari, baina lehengoari eutsi zion: PSOEk eta Unidas Podemosek akordio bat egiten badute abstentzioa emanen duela. PSOEk, ordea, beldur bat haizatu du independentistengan, Kataluniari autonomia kentzeko 155. artikulua aplikatzeko prest dagoela adierazi baitzuen herenegun, «konstituzioaren urraketaren bat edo Espainiaren interes orokorraren aurkako eraso larriren bat» gertatuko balitz.

«Badirudi 155. artikuluak ez duela bereizketarik egiten ezkerraren eta eskuinaren artean», adierazi zuen Borrasek Felipe VI.arekin elkartu ondoren. «Kataluniarekiko ezinikusia orokortuta dago». Gabriel Rufian ERCk Espainiako Kongresuan duen bozeramailea ere kezkatuta agertu zen Ciudadanosek PSOEri egin zion proposamenarekin. Rufianen ustez, «Sanchez eta Rivera bulego batean» negoziatzen aritu dira «Katalunian 155 bat ezartzeko hagitz aukera posiblea». Rufianek dei egin zion «Ciudadanosekin akordiorik nahi ez duen PSOEko sektoreari», jarduneko presidentea Albert Rivera Ciudadanoseko buruaren «besoetatik urrundu» dezaten.

PSOEk herenegun argitaratu zuen ohar bat, inbestidurari begira zuen jarrera azaltzeko. Twitter sare sozialean jarri zuen agiria, mezu aski argi batekin: «Indar independentista katalanen beharra edukiko ez duen gobernu aurrerakoi baten alde». Kataluniari buruzko paragrafoan 155. artikulua aipatzeak ezinegona eta haserrea eragin ditu independentisten artean.

Quim Torra Kataluniako presidenteak sare sozial berberean eman zuen agirian aipatutakoari buruzko iritzia: «Egiaz aurrerakoia den gobernu batek, herriaren borondatea eta herrien autodeterminazioa errespetatuko dituenak, ez luke inoiz halako agiri bat argitaratuko. Deitoragarria, tristea eta patetikoa da 155. artikulua aplikatzearekin mehatxatzea inbestidura bozkatzeko».

Hurrengo astean, Espainiako politika hauteskunde deialdi baten ondorenean egonen denean —egoera irauliko duen ezusterik ezean—, Torra protagonista bihurtuko da, hilaren 25ean hastekoa baita haren aurkako epaiketa Kataluniako Auzitegi Nagusian, Espainiako Gorteetarako azken hauteskundeen kanpainan ez zituelakoan agindutakoan kendu eraikin publikoetan zeuden xingola horiak. Hura epaituko duen bertze epaile bat errekusatzeko eskatu zuen atzo Torrak, magistratua PSC Kataluniako Alderdi Sozialistari «estu lotuta» dagoelakoan —aitzinetik bertze biren errekusazioa eskatua du—.

Epaia gibelatzeko eskaera

Espainian gobernurik osatu ez, eta hauteskundeetara deituta, litekeena da Espainiako Auzitegi Gorenak bozak baino lehen ematea Kataluniako buruzagi independentisten aurkako epaiketaren epaia. Oriol Junqueras auzipetuak Gorenari eskatu dio epaiaren jakinarazpena gibelatu dezala Europako Batasuneko Justizia Auzitegia immunitateari buruz mintzatu arte. Europarlamentari hautatu zutelako Junquerasek argudiatzen du immunitatea dagokiola, eta Espainiako Auzitegi Gorenak berak Luxenburgokoari eskatu zion kasua argitzeko. Urriaren 14an da aztertzekoa. Junqueras espetxean dute 2017ko azaroaz geroztik.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Beste zazpi positibo euskal taldeen artean

Berria

Athleticen sei jokalarik eman dute positibo, eta Osasunan, berriz, Jagoba Arrasate entrenatzaileak. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna