BAKARRIZKETA

Negu hotz eta luzeak hondoratu egin du H&M

BERRIA

Jon Fernandez -

2018ko apirilak 1

2017. urtea txarto amaitu zuen Suediako moda multinazionalak, eta hasi ere txarto hasi du 2018a: H&Mren irabazi garbiak %44 hondoratu dira urte hasieratik. Errua, nagusiki, eguraldiari bota diote.

1. Egia da leihotik begiratzen dugula arropak jantzi aurretik eta aurten negua luze (luzeegi!) dihoala, baina hortik eta multinazional baten salmentak hainbeste jaistera... Ba, halaxe argudiatu du konpainiak: iazko udazken epelak eta aurtengo negu izoztuak salmentak txikitu dizkiote. H&Mk neguko bilduma deskontuekin saldu behar izan zuen urte amaieran, udazken epelean jendeak ohi baino neguko beroki gutxiago erosi zuelako. Eta gauza bera gertatu da aurtengo lehen hiruhilekoan. «Ohi baino hotzagoa izan da negua Europan», argudiatu du Karl-Johan Persson enpresako kontseilari ordezkariak, eta gutxi animatu dira udaberriko arropa arina erostera.

2. Orduan, udaberriko arropa ere deskontuekin salduko dute? Bai, hala iragarri du Perssonek. Izan ere, biltegiak arropaz beteta dauzka H&Mk, eta saldu egin nahi ditu merke bada ere. Pentsa, arropa biltegiaren balioa %7 igo da aurtengo lehen hiruhilekoan, 3.426,7 milioi euroraino. Biltegia hustu behar du. Baina soilik neguko bildumaren deskontuek %6,7tik %2,6ra txikitu dute multinazionalaren irabazi tarte operatiboa: ondorioz, zergak ordaindu aurreko irabaziak %61,7 txikitu zaizkio (%44 zergak ordaindu ostekoak).

3. Deskontuak, behintzat, mesede dira erosleentzat. Bai, erosleak pozik egongo dira; ez horrenbeste Persson. Salmentak %6 txikitu zaizkio Alemanian (merkatu nagusia du), %10 Frantzian, eta %5 Italian eta etxean, Suedian. Stockholmgo burtsan H&Mren akzioaren balioak 2015ean balio zuenaren heren bat baino ez du balio orain.

4. Mesfidatia naizela pentsatuko duzu, baina ez dut sinisten meteorologia dagoenik gainbehera horren guztiaren atzean. Arrazoi duzu. Ez da bakarrik eguraldia, H&Mren ekaitz perfektuak osagai gehiago ditu.

5. Zeintzuk? Eguraldi txarrari sektoreko lehia ikaragarria eta iraultza digitala batu zaizkie. AEBetan retail apocalypse izena jarri diote ekaitzari: saltoki handien apokalipsia.

6. Azken batean, Amazonen ereduak irauli egin du merkatua, eta prezioak merkatu ditu. Jendea gero eta gutxiago doa dendara, eta Interneten erosten du, baita arropa ere. Fenomenoak AEBetan indar bereziki handia badu ere, Europan ere ari dira denboralea igartzen. Bai, behintzat, H&Mn. Kontsumitzaileen ohiturak aldatu egin dira, eta Suediako moda multinazionalak 170 denda itxiko ditu. Halere, munduko bazter batzuetan oraindik ikusten du aukera denda fisikoak zabaltzeko: 390 ireki nahi ditu epe motzean.

7. Eta, hala ere, burtsan ez dira fio H&Mz? Inbertitzaileek ez dute uste marka gai izango denik garaiz moldatzeko merkatuaren egitura aldaketara. Negu luzea du aurretik H&Mk.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ezkerretik eskuinera, Inma Moro, Itziar Llanera eta Begoña Olaskoaga, Arrondegiko osasun etxean. ©LUIS JAUREGIALTZO / FOKU

Aztarnariak zaintzaile

Maite Asensio Lozano

Koronabirusean positibo eman dutenen gertuko kontaktuak bilatzea baino gehiago da aztarnari sistemako kideen lana: gaitzari eta bakartzeari buruzko informazioa emateaz edota zailtasunak dituztenen jarraipena egiteaz ere arduratzen dira.

PCR proba bat, Donostian. ©Idoia Zabaleta, FOKU

Beste 855 positibo atzeman dituzte Hegoaldean

Uxue Rey Gorraiz

Inoiz baino PCR proba gehiago egin dituzte azken egunean: 14.298, zehazki. Horietatik 855 kasutan detektatu dute birusa. 337 Nafarroan detektatu dituzte. Aurreko egunean, laurehunetik gora izan ziren lurralde horretan, lehenbiziko aldiz.

Miren Basaras, EHUko COVID-19aren Zaintza Batzordeko arduraduna. ©EHU

EHUk Miren Basaras izendatu du COVID-19aren Zaintza Batzordearen arduradun

Mikel O. Iribar

Mikrobiologoa eta EHUko irakaslea da Basaras, eta koronabirusaren ikerkuntzan badu esperientziarik. Zaintza Batzordearen lehen erronka EHUko egoera epidemiologikoa zein den aztertzea izango da. 

Susanna Paavilainen eta haren txakurra, Kossi, Helsinkiko aireportuan lanean, atzo. ©MAURI RATILAINEN / EFE

Koronabirusa atzemateko txakurrak erabiltzen hasi dira Finlandian

Edu Lartzanguren

Helsinkiko aireportuan hasi ziren lanean atzo animaliokin. Azterketen arabera, txakurrok kasuen ia %100 usaintzen dituzte, kutsaturiko pertsonak oraindik sintomarik garatu ez baditu ere.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna