Albistea entzun

Odolezko hizkitan

Ginean, irailaren amaieran izandako basakerien ostean, bitartekari lanak egitera joan da Burkina Fasoko presidentea. Mussa Dadis Camara buru duen aginte militarra gogor salatu du nazioarteak.

Allande Sokarros -

2009ko urriak 6

Afrikako hainbat herrialdetan, odolezko hizkitan idatzitako historia etengabe errepikatzen da. Egoera lazgarri horren azken adibidea izan da, Ginean, joan den irailaren 28an gertatutakoa. Egun hartan, Konakry hiriburuko kiroldegian bilduta zeuden ehunka lagunen aurka ekin zuten basakeria izugarriz Gineako militarburu Moussa Dadis Camararen manupeko indar armatuek. Elkarretaratze baketsu batean parte hartzen ari zirenak tirokatu, eta emakume andana bortxatu zituzten soldaduek. Oposizioaren arabera, gutxienez 157 lagunek bizia galdu zuten, eta 1.200dik gora zauritu ziren armadaren ekitaldian. Aginte militarrak, aldiz, esan du 56 lagun hil zirela, «oposizioak antolatutako konplotaren ondorioz».

Oposizioak zuen antolatu, hain zuzen, irailaren 28ko elkarretaratzea, ekitaldi baketsu baten bidez salatu nahi zuelarik Gineako aginte militarreko buruzagi Moussa Dadis Camarak urtarrileko presidentetzarako bozetara lehiatzearren agertutako asmoa.

Camara botereaz jabetu zen 2008ko abenduaren 23an, aurretik, 24 urtez, agintean egon zen Lansana Coste diktadorea hil zen egunaren biharamunean bertan. Odolik isuri gabe jabetu ziren botereaz, eta Camarak jarraian adierazi zuen trantsizio epe baten ostean «hauteskunde askeak» antolatuko zituztela, eta bera ez zela horietara lehiatuko. Bederatzi hilabete pasatu direlarik kolpe militarra eginez geroztik, Moussa Dadis Camarak adierazi du berriki berak ere asmoa baduela presidentetzarako hauteskundeetara lehiatzeko.

Afrikako Batasunaren oharra

Asmo horren kontra azaldu da Afrikako Batasuna erakundea, eta joan den irailaren 18an Camarari exijitu zion konpromiso argia hartzeko hauteskundeetara ez lehiatzeko. Horrelakorik gertatzearen kasuan, Afrikako Batasunak Gineako aginte militarreko buruari ohartarazi zion zigorrak ebazteko aukera ez duela baztertu. Erakundeak hartutako jarrera horren babesean, Gineako oposizioko indarrek Camararen asmoak salatzeko elkarretaratzea antolatu zuten. Baina ekitaldi baketsua izan behar zena odolean ito zuen armadak.

Lekuko askoren arabera, presidentearen guardiako kapelu gorriek ikaragarriko basakeriak egin zituzten kiroldegian elkarretaratutakoen kontra. Jendeari tiroka edo labanaz erasotzeaz gain, militarrak emakumeei oldartu zitzaizkien bereziki. Horietatik asko biluztera behartu zituzten senar edota umeen aurrean, eta bortxatu ere egin zituzten. Gainerat, ehunka lagun atxilotu zituzten.

Basakeria horiek salaketa oldea eragin dute nazioartean. Egoera horren aurrean, Cedeaok, Afrika Mendebaldeko Herrialdeen Ekonomi Erkidegoak, baketze misio bat abian jartzea erabaki du. Horren harira, Burkina Fasoko presidente Blaise Campaore Konakryra iritsi zen atzo bertan. Campaore bilduko da Moussa Dadis Camararekin, baita oposiziokoekin ere, gatazka amaitzeko ahaleginean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

1 ©ALBERTO EST╔VEZ / EFE

Erreferendumak zer ekarri zuen

Igor Susaeta

Galdeketara deitu zuten, lege bat onartu zuten horretarako, eta herritarrek bozkatu egin zuten, Poliziaren indarkeriari aurre eginez. Madrilek errepresioaren bidean segitu zuen, eta kartzelatzeak eta erbesteratzeak heldu ziren.
Pertsona bat, atzo, Ukrainako Zaporizhia eskualdeko hautesleku batean, bozkatzeko pronto. ©EFE

Errusiarekin bat egitearen alde bozkatu dute Ukrainan okupatutako lurraldeetan

Igor Susaeta

Kievek traizioa egotziko die galdeketetan ┬źmoduren batean┬╗ parte hartu dutenei. Moskuk prest ditu anexioa gauzatzeko botere ┬źlegegilea, exekutiboa eta juridikoa┬╗
Pere Aragones Kataluniako presidentea, atzo, politika orokorreko eztabaidan, Kataluniako Parlamentuan. ©QUIQUE GARC═A / EFE

Galdeketa bat zehazteko akordio bat proposatu du Aragonesek

Gorka Berasategi Otamendi, Berriemaile berezia

Generalitateko buruak ezinbestekotzat jo du eremu sozial guztien ekarpenak jasotzea. JxCren ustez, prozesuaren batasuna eta zuzendaritza estrategikoa behar dira

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...