Albistea entzun

IRITZIA

Elkargoaren etorkizuna

Maddi Ane Txoperena Iribarren - Kazetaria

2016ko azaroak 20

Azken bi urte hauetan solas eta buruko min ugaritarako aukera eman digu Ipar Euskal Herriko elkargo bakarrak. Hasieran, ezjakintasunagatik; egituraren txostenak ezkutuan alde batetik bertzera, eta kazetarion lanak horiek deszifratzen: organoak, hautetsiak, eskumenak... Eta egitura oraindik sobera argitu gabe genuela, berehala hasi ziren posizio eta iritziak: alde eta kontrakoen kanpainak, azpi jokoak, dimisioak... Guziarekin bukatzeko, nola ez, herriko etxeetako banan banakako bozketa amaigabeak bi itzuli, eta herrien zein biztanleen kopuruak konbinatu beharra. Eta, bixkotxa goxatzeko, helegite eta epaiketak, bozkaz erabakitakoaren kontra.

Horrenbertze buelta eman ondotik, badirudi azkenean sortu behintzat, sortu eginen dela instituzio berria, bada! Eta, okerrik ezean, urtarrilaren 1etik goiti hasiko dira hautetsiak martxan jartzen, pixkanaka.

Ez da erraza erraten zein ondorio izanen dituen halako egitura batek Ipar Euskal Herriarentzat, jada erranak izan direnetatik haratago. Epe motzera, behintzat, ez dirudi herritarrek sobera nabarituko dutenik: jendeak berdin segituko du SudOuest irakurtzen, errugbi partidak ikusten, frantsesez hitz egiten karriketan... Eta euskaldunok herriaren aldeko eguneroko lanean, ikastoletan, gau eskoletan, gaztetxeetan...

Izatekotan, denbora batera nabarituko ditugu egituraren lehendabiziko ondorioak. Agian, hasiko gara ikusten Ipar Euskal Herria modu bateratuan aipatzen frantses komunikabideetan; Ligiko eta Ziburuko hautetsiak elkarrekin ariko dira lanean elkargo kontseiluetan; eta uraren, hondakinen edota hizkuntz politikaren kudeaketak berdin eraginen digute Lapurdin, Baxenabarren eta Zuberoan, orain arte ez bezala. Izanen du eragin bat subkontziente kolektiboan: Ipar Euskal Herriko frantsesak berdin sentituko dira frantses, baina hein batean ere «euskal herritar», orain arteko piper eta lauburuetatik haratago. Politikoki, alegia.

Pixkanaka, halaber, ikusiko ditugu agian Nafarroako eta EAEko ordezkariekin halako edo bertzelako hitzarmenak izenpetzen, maila apalekoak izanik ere. Eta 2020an, berriz, herriko etxeetako bozak: seguraski, inoizko politizatuenak. Ordura arte gauzak anitz aldatzen ez badira, herriko etxeetako hautetsiak izanen baitira elkargo berriko ordezkari. Eta sufragio unibertsala jartzen badute, berriz, zer erranik ez! Lehen aldikoz Ipar Euskal Herri mailako hauteskundeak?

Abertzaleek zein indar lortzen ahalko duten, ez da erraza asmatzen. 2014ko herriko etxeetako bozetan emaitza onak eskuratu zituzten, eta posible da horiek errepikatu eta hobetzea. Baina, zer egiteko? Erronka handia izanen da Ipar Euskal Herri mailako politikak pentsatu, eta elkargoaren mugak erakutsiz haratago joaten saiatzea.

Baina, tira, ez gaitezen joan urrunegi... Elkargoak ez ditu konponduko orain arte Ipar Euskal Herrian zeuden arazo guziak. Edo ez, bederen, bere kasa. Herritarren esku dago aukeraz ahalik eta hobekien baliatu eta iparrorratza argi mantentzea, instituzioan berean sobera korapilatu gabe.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mertxe Aizpurua Espainiako Kongresuan. ©JUANCARLOS HIDALGO / EFE

'Mozal legearen' erreforma ez blokeatzeko eskatu die PSOEk bazkideei

Xabier Martin

EAJko Aitor Estebanek uste du orain arte adostutako zuzenketak egun indarrean dagoen legea hobetzen dutela. EH Bilduko Mertxe Aizpuruak, berriz, ohartarazi du Espainiako Gobernuak «hitzemandakoa» bete beharko duela koalizioaren babesa jaso nahi badu Herritarren Segurtasun Legearen erreformarako.

PSNk atea itxi dio Mañeru eremu mistoan sartzeari

Berria

Etzi bozkatuko dute proposamena parlamentuan. Alzorrizek esan du ez dela gaiaz «hitz egiteko garaia»
Odon Elorza, 2021eko urtarrilaren 22an egindako agerraldi batean. ©Gorka Rubio / Foku

Odon Elorzak dimisioa eman du diputatu gisa

Jon O. Urain

Donostiako alkate ohiak aitortu du PSOEko zuzendaritzarekin «desadostasunak» saihesteko hartu duela erabakia. 11 urte egin ditu Espainiako Kongresuan.

Onintze Oleaga eta Unai Urruzuno, otsailaren 11ko topaketa aurkezten. ©/ EH Bildu

EH Bilduk jardunaldi munizipalistak egingo ditu otsailaren 11n

Jon O. Urain

Bost erronkaren inguruan ariko dira, eta indar subiranistak saio horrekin abiatuko du udal hauteskundeetako kanpaina.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...