Albistea entzun

Enpresa bat okupatu dute «etxebizitza eskubidearen merkaturatzea» salatzeko

Gasteizko 21 Zabalgunea udal agentzian sartu da Ernai.

Errekaleor Bizirik-en kontrako auzian sozietateak izan zuen egitekoa gogorarazi du
Ernaiko gazteak, 21 Zabalgunea udal agentziara sartzen, atzo.
Ernaiko gazteak, 21 Zabalgunea udal agentziara sartzen, atzo. ERNAI GASTEIZ

Ion Orzaiz -

2016ko otsailak 20

Gasteizko 21 Zabalgunea udal agentzia bi orduz okupatu zuten atzo dozenaka gaztek, sozietate hori «prekaritatearen eta emantzipazio ezintasunaren erantzule» dela salatzeko. Ernai gazte antolakundeak bere gain hartu du ekintza sinbolikoa, eta azpimarratu du 21 Zabalgunea sozietatea «sistema kapitalista patriarkalaren sostengatzaileetako bat» dela. «Etxebizitzaren gisako oinarrizko eskubideak merkaturatuz, kapitalaren menpeko bihurtu gaituzte, eta eskubide horretaz gozatzeko aukera mugatzen digute», azaldu du elkarteak agiri batean.

Zehazki, «gazteen zein gainontzeko giza taldeen prekaritatea eragiten duten politika baztertzaileak aplikatzea» leporatzen diote 21 Zabalgunea udal agentziari; besteak beste, Errekaleor Bizirik-eko gazteen aurkako salaketak eta prozesu judizialean izan zuen egitekoa gogorarazi du Ernaik. Izan ere, 21 Zabalgunea izan zen iazko otsailean Errekaleorreko etxebizitzen desjabetze prozesua onartu zuen udal entitatea, eta baita auzoari buruzko txostena Iberdrolari igorri ziona ere, enpresa horrek bizilagunei argindarra eten ziezaien.

Euskal Herri «sozialista eta feminista» osatzeko bidean, 21 Zabalgunearen gisako enpresak «albo batera» utziko dituztela gaineratu du gazte erakundeak: «Ez dugu lekurik gordeko helburu bakarra kapitalaren metaketa duten horientzat. Bizitzeko jaio gara, eta bizitzea oztopatzen digutenak salatu eta albo batera utziko ditugu, aspaldi utzi baikenion halako erakundeen izaera soziala sinesteari».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ertzaintzaren auto bat, artxiboko irudi batean. ©MONIKA DEL VALLE / FOKU

Santurtzin hilik topatutako adingabe baten heriotza ikertzen ari da Ertzaintza

Jon O. Urain

Ostiralean zerraldo topatu zuten senideek. Ertzaintzak baieztatu du gorpuak kolpeak zituela eta litekeena dela horien ondorioz hil izana
 ©Andoni Lubaki / Foku

Suak zerua ilundu zuenekoa

Edurne Elizondo - Nafarroako Hitza

Suteek hagitz gogor jo dute Nafarroa, eta 14.500 hektarea inguru utzi dituzte kiskalita. San Martin Unx da suak inguratutako herrietako bat. Etxerik ez dute galdu, baina izua bazter uztea ez da erraza izaten ari herriko biztanleentzat. Suhiltzaileek, berriz, baliabiderik eza salatu dute.

Eva Isturiz, Nafarroako Berdintasun Institutuko zuzendaria, Iruñeko Sarasate pasealekuan. ©Idoia Zabaleta, FOKU

«Sexu erasoetan, biktimak bere buruari egotzi ohi dio errua»

Uxue Rey Gorraiz - Nafarroako Hitza

Festetako sexu erasoen kontrako aurtengo kanpaina aurkeztu du berriki Nafarroako Berdintasun Institutuak, Berridatz ditzagun jaiak lelopean. Erasoen gaineko aurreiritziak hautsi beharra nabarmendu du erakunde horretako zuzendari Eva Isturizek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...