Albistea entzun

Realak Sevillaren aurka jokatuko du Espainiako Kopako finalerdietan

Lehia bakarrera izango da kanporaketa, hilaren 17an, eta txuri-urdinak etxean ariko dira. Ligan bi partidak irabazi dizkio Arkonadaren taldeak
Realeko jokalariak, finalerdietara sartu zirela ospatzen.
Realeko jokalariak, finalerdietara sartu zirela ospatzen. JUAN CARLOS RUIZ / FOKU Tamaina handiagoan ikusi

Ainara Arratibel Gascon -

2019ko otsailak 5

Egokitu ahal zitzaizkion beste bi aurkariak Atletico Madril eta Bartzelona zirela kontuan hartuta, zoria alde izan du Realak Espainiako Kopako finalerdietako zozketan: Sevillaren aurka arituko da Gonzalo Arkonadaren taldea. Sasoi honetan jokatu diren aurreko kanporaketak bezala, partida bakarrera izango da, eta txuri-urdinei etxean jokatzea egokitu zaie; hilaren 17an izango da.

Realeko jokalariek pozik hartu dute zozketaren emaitza. «Nik uste dut bai guk eta bai Sevillak elkarren aurka jokatu nahi genuela», adierazi zuen atzo Marta Cardona jokalariak. Onartu zuen etxean jokatzea «abantaila txiki bat» dela. «Baliatu egin behar dugu». Dena den, zuhurtziaz ere mintzatu ziren: «Lehia bakarrera jokatuta, edozer gauza gerta daiteke. Baina zaleei finalerako sailkatzea oparitu nahi diegu», berretsi zuen Leire Baños jokalariak.

Ligan, herenegun jokatu zuten bi taldeek elkarren aurka. Txuri-urdinak 0-2 gailendu ziren, Nahikarik penaltiz eta Kiana Palaciosek sartutako golei esker. Lehen itzulikoan ere emaitza berberarekin izan ziren nagusi Zubietan. Orduan, Manu Lareo eta Nahikari izan ziren golegileak, biak penaltiz.

Bigarren aldiz ailegatu da Reala Espainiako Kopako finalerdietara. 2011n izan zen aurreneko aldiz, Bartzelonaren kontra izan zen, eta 0-2 galdu zuen. Orduko taldetik jokalari batek segitzen du egun: Sandra Ramajo kapitainak.

Emaitza eta joko bolada onean dira txuri-urdinak. Ligan bost partida egin dituzte erreskadan galdu gabe. Lau garaipen eta berdinketa bat lortu dituzte, eta seigarren daude ligan, 28 punturekin. Kopan ere ibilbide oparoa egin dute. Final-zortzirenetan, Valentzia kanporatu zuten, 1-2, luzapenean; eta, aurreko astean, final-laurdenetan, aise menderatu zuten Rayo: 4-0.

Sevillak, berriz, ezustea eman zuen final-laurdenetan, penaltietan kanpoan utzi baitzuen Levante. Aurretik, final-zortzirenetan, Logroño izan zuen kontrario, eta 0-1 irabazi zion. Ligan, ordea, zuloan da. Azken-aurreko dago sailkapenean, 15 punturekin. Jokatutako hemeretzi norgehiagoketatik lau baino ez ditu irabazi. Dena den, azken jardunaldietan hobera egin du. Atzean ondo ixten den taldea da, eta aurrealdean jokalari indartsuak ditu; batez ere, fisikoki.

Beste finalerdia Atletico Madril-Bartzelona izango da, eta finala maiatzaren 11n jokatuko da, Granadako (Espainia) Los Carmenes futbol zelaian.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Mendifilmen aurkeztuko duten 'Joy' filma ©

Ohiko osagaiekin doa heldu eginez Mendifilm

Unai Ugartemendia

Ostiralean hasi, eta abenduaren 18an bukatuko da hamabosgarren Mendifilm jaialdia, Bilbon. Indartsu hasiko da aurtengo ekitaldia: Alastair Lee zuzendari ingelesaren Ephemeral-ekin, eta Ignasi Lopez kataluniarraren Egoland-ekin.

Kroaziako atezaina eta jokalari bat, final-laurdenetarako sailkapena ospatzen, atzo. ©NEIL HALL / EFE

Bete da espero zena

Jone Bastida Alzuru

Brasilek aise hartu du mendean Hego Korea. Kroaziak, berriz, penaltietan kanporatu du Japonia
Xerdan Xaqiri Suitzako jokalaria, Serbiari sartutako goletako bat ospatzen. ©ROLAD WITTEK / EFE

Gerran jaio eta zelaian hazi

Iñigo Lasa

Xerdan Xaqiri Suitzako selekzioko izarretako bat da. Messi eta Cristiano Ronaldorekin batera, azken hiru Munduko Kopetan gola sartu duen jokalari bakarra da.
Patxi Vrignon-Etxezaharreta, France-Presseko kirol kazetari euskalduna, Qatarren, Munduko Kopako baloia buruan daukala. ©PATXI VRIGNON-ETXEZAHARRETA

Zalantzaz betetako ametsa

Beñat Mujika Telleria

Patxi Vrignon-Etxezaharreta France-Presse agentziako kazetaria Qatarren dago, Munduko Koparen berri ematen, eta herrialdearen berezitasunak ezagutzen ari da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...