Hiriburuetako alkateak, Euskaraldian

Bilboko, Donostiako, Gasteizko eta Iruñeko alkateek atxikimendua agertu diote Euskaraldiari, eta nabarmendu dute hiriburuek «protagonista» izan behar dutela euskararen erabilera sustatzeko bidean. Elkarrekin agertu ziren atzo Donostian Juan Mari Aburto, Eneko Goia, Gorka Urtaran eta Joseba Asiron, eta hiriburuen garrantziaz aritu ziren: «Hirigune nagusi diren heinean, gune eroso eta abegikorrak izan behar dute euskararen erabilera bultzatzeko. Helburu horretan, oso lagungarria izango da Euskaraldia». Atzoko ekitaldian, lau alkateekin batera izan ziren Eusko Jaurlaritzako eta Euskaltzaleen Topaguneko arduradunak. Euskal Herri osoko 350 udalerrik bat egin dute Euskaraldiarekin. Udazkenean izango da herritarrek izena emateko txanda.