Albistea entzun

Kanpaina «transfobikoa» ikertzeko eskatu dio Chrysallisek Fiskaltzari

'Hazteoir.org' talde ultrakatolikoak autobus batean hedatu nahi du mezua; Euskal Herrira badator
Kritika asko eragin ditu autobusean idatzi duten mezuak.
Kritika asko eragin ditu autobusean idatzi duten mezuak. ZIPI / EFE Tamaina handiagoan ikusi

Beñat Alberdi -

2017ko martxoak 1

Hazteoir.org antolakunde ultrakatolikoaren kanpainak hautsak harrotu ditu. Izan ere, Chrysallis adingabe transexualen familia elkarteak abiatutako Badira zakila duten neskak eta bulba duten mutilak kanpainari erantzun nahi izan diote, justu kontrakoa aldarrikatuz: Mutilek zakila dute, emakumeek bulba dute. Ez zaitzatela engaina. Gizon jaiotzen bazara, gizona zara. Emakumea bazara, hala jarraituko duzu. Hala irakur daiteke Espainian hiriz hiri ibili nahi duten autobusean. Madrilen da egunotan, baina atzo iluntzean immobilizatu egin zuen Udaltzaingoak, kanpaina «biolentoa» delakoan, eta udal ordenantzak urra ditzakeelakoan. Edonola ere, autobusa Euskal Herrira ekartzeko asmoa du elkarteak: aurreikusitako plana betez gero, martxoaren 5ean eta 6an Iruñean izango da; 7an eta 8an, Donostian; 9an eta 10ean, Bilbon; eta 11n eta 12an, Gasteizen.

Makina bat erantzun eman diote kanpainari, bai eragileek, bai alderdi politikoek ere. Chrysallisek kanpaina ikertzeko eskatu dio Espainiako fiskal nagusiari, ea «gorroto deliturik» badakarren. Era berean, ironiaz salatu du kanpaina: «Tontakeria errepideetan barrena dabil autobus laranja batean, ikusten baduzu atera iezaiozu behatza». Gezur errepikatuta egia bihurtu nahia egotzi diete kanpainaren bultzatzaileei.

Autobusak bisitatuko dituen hirietako udalek ere badute zer esanik. Donostian Irabazik autobusari zirkulatzen ez uzteko eskatu du. Eneko Goia alkateak erantzun die bera «alkatea» dela: «Ez jainkoa». Hala ere, ziurtatu du aztertuko dutela zer egin dezaketen autobusa hirian ez egoteko. Gorka Urtaran Gasteizko alkateak ibilgailua hirian ibiltzea debeka dezaketen aztertzen dabiltzala esan du, autobusak ez duelako bat egiten Gasteizen moduko «hiri anitz, moderno eta tolerante» batekin. Iruñeko Udalak baztertu egin du autobusaren presentzia hiriko kaleetan: ez bidaltzeko eskatu du. Era berean, babesa eta onespenaberretsi diete pertsona transexualei.

Alderdi politikoek, eragileek eta sindikatuek hertsiki salatu dute ultrakatolikoen kanpaina. Sare Antifaxista, Equo, EH Bildu, Ezker Anitza eta LABek prentsa ohar bana kaleratu dute. LABek aldarrikatu du «ozenki» salatu dutela «aniztasun sexual eta genero eskubideen aurkako» erasoa. Autobusari Euskal Herriko kaleetan ibiltzen ez uzteko eskatu du. Antzera mintzatu da Sare Antifaxista. Hego Euskal Herriko hiriburuetako alkateei eskatu die autobusaren zirkulazioa debekatzeko. Yunque eragile neofaxistarekin lotu dute Hazteoir.org.

Instituzioetan, eskaerak

EH Bilduk eta Ezker Anitzak instituzioetara eramango dute auzia. EH Bilduk iragarri du ordezkaritza duten instituzioetan ekimenak aurkeztuko dituztela, kanpaina gaitzesteko eta pertsona transexualen defentsan aritzen diren eragileak defendatzeko. Ezker Anitzak, berriz, kongresuan ekinaldi bat aurkeztuko du, Espainiako Gobernuak kanpainaren aurka neurriak har ditzan. Eusko Jaurlaritzako Enplegu eta Gizarte Politiketako sailburu Beatriz Artolazabalek oroitarazi du «edozein motatako biolentzia» errefusatu behar dela, eta berdintasunean oinarritutako balioak bultzatzen dituzten ekinbideak beharrezkoak direla. Mezu transfobikoak ez dira, ordea, berriak; urtarrilean Chrisallysen kanpainaren afixen kontra egin zuten hainbat pertsonak Iruñean eta Gasteizen; hautsita eta gainetik margotuta agertu ziren.

Euskal Herritik kanpo ere eragin du Hazteoir.org-en kanpainak oihartzuna, eta hainbat instituziok eta taldek eskatu dute bertan behera uzteko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sololuzeri eta Beltrani egindako omenaldia, gaur, Zaldibarko Eitzaga auzoan. ©Aritz Loiola / Foku

Alberto Sololuze eta Joaquin Beltran omendu dituzte, eta gertatutakoa argitzeko eskatu

Paulo Ostolaza

Bihar beteko dira hiru urte Zaldibarko luizitik. Han hildako bi beharginei omenaldia egin die Zaldibar Argitu plataformak.

 ©BERRIA

BERRASMATU BEHARREKO SISTEMA

Arantxa Iraola - Garazi Aduriz

Erruz ugaritzen ari dira osasun sistema publikoan dauden arazoei buruzko berriak; izurriak zamatu egin du aurrez ere usu herren ari zen lan eredua. Populazioa zahartzen ari den neurrian, premia handitzen ari da, eta sistema berriz asmatzeko garaia da, sare publikoak sendo iraun dezan, pribatuaren itzal gero eta luzeagoaren aurrean.
Bi foruzain Ribaforadan, gaur, istripua izan duen autoa ikertzen. ©Foruzaingoa

Bi lagun hil eta beste bat larri zauritu dira Ribaforadan izandako auto istripu batean

Berria

Zuhaitz baten eta geldirik zegoen kamioi baten aurka jo du ibilgailuak. 07:00ak pasa berritan gertatu da ezbeharra.

Euskotrenen geltoki bat, artxiboko irudi batean. ©Jon Urbe / Foku

Gizon bat hil da Durangoko tren geltokian, trenbidera erorita

Berria

Nasatik erori da 54 urteko gizona, eta buruan hartu duen kolpearen ondorioz hil da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...