Yemengo oposizioak ez du onartu bitartekaritza. Zigorra blogariari.

Milaka lagun bildu ziren atzo Sana hiriburuan eta Yemengo beste hirietan,Abdula Sale presidentearen kanporatzea eskatzeko. Oposizioak atzera bota du Salek boterea epeka uzteko Golkoko Kooperazio Kontseiluak egindako proposamena. Salek ongi hartu du, baina ez du kargua uzteko egun zehatzik eman.

Egiptoko epaile militar batek hiru urteko espetxe zigorra ezarri dio Maikel Nabil blogariari, armadak Hosni Mubaraken aurkako matxinadan izandako jokaera salatu zuelako. Lehen aldia da blogari bat epaitzen dutela armadak boterea hartu zuenetik.