Auzapezei homofobiaren aurka engaiatzea eskatu zaie

Gutun bat bidaliko die Aukeratzeko Eskubidearen Aldeko Kolektiboak Ipar Euskal Herriko auzapezei, homofobiaren aurka engaiatzea galdatuz. Gay eta lesbianei begira diren diskriminazioen eta erasoen aurkako mezua dakarten afixak emanez zein homofobiaren aurkako mozio bat bozkatuz, molde ezberdinez mezua zabaltzea eskatzen die kolektiboak. Homofobiaren Aurkako Nazioarteko Egunaren kari antolatu ekintzetan parte hartzea ere galdetu die. Hain zuzen, gay eta lesbianentzako ezkontza eta adopzio eskubidea dakarren legea bozkatua izan arren, benetako berdintasuna lortzeko bidean, urrats anitz gelditzen dira egiteko, kolektiboaren ustez.