Hego Sudango oposizioko burua Jubara itzuli da, presidenteorde kargua hartzera

JUBA. Iazko abuztuan Hego Sudango Gobernuak eta oposizioak sinatutako akordioa gauzatu egin da, Riek Machar oposizioko burua herrialdera bueltatu baita. 2013an etnien artean piztutako gatazka armatuaren ondotik, Machar erbestean egon da. Atzo, Jubara itzuli zen, eta presidenteorde kargua sinatu zuen. «Beharrezkoa da herrialde osoan su-etena indarrean jarri eta desplazatuak bueltatzea», esan zuen.