BRUSELA. EB Europako Batasuna eta Erresuma Batua atzo bildu ziren Bruselan, brexit-eko lehen faseari amaiera emateko akordio bat lortu nahian. Atzo ez zen akordio hori lortu, baina bi aldeek adierazi dute «aurrerapen esanguratsuak» egin dituztela eta astea amaitu baino lehen berriz bilduko direla.
Europako Batzordeko presidente Jean Claude Juncker izan da akordio faltaren berri eman duena, baina bilera «porrot bat» izatea ukatu du.
Erresuma Batuko lehen ministro Theresa Mayk ere «eraikitzailetzat» jo du atzoko bilera, eta aurrerapen ugari egin direla adierazi.
Junckerren esanetan, lehen fasea amaitzeko «azken negoziazioetan» hasi dira, eta aste honetan akordioa lortzea espero du: «Orain, ulermen bateratu bat dugu puntu gehienen inguruan, bi edo hiru besterik ez daude irekita». Negoziazioen lehen faseko hiru puntu gatazkatsuenak brexit-aren faktura, herritarren eskubideak, eta Irlandako Errepublikaren eta Ipar Irlandaren arteko muga dira.
May eta Juncker, 'brexit'-eko lehen fasea amaitu ezinik
Astea amaitu baino lehen bilduko dira bi aldeak berriz, lehen fasea amaitzeko akordio bat lortzeko asmoz
Iruzkinak
Ez dago iruzkinik
Ordenatu