Brasilek Carlos Garcia Julia estraditatu du, Atotxako hilketen egileetako bat

MADRIL. Brasilek Carlos Garcia Julia estraditatu zuen atzo Espainiara. Atotxako hilketen egileetako bat izateagatik 193 urteko kartzela zigorra ezarri zioten, baina 25 urte eman ditu justiziatik ihesi. Julia Soto del Realen sartu dute, 3.855 eguneko kondena betetzeko. Espainiako trantsizioko eraso latzenetako bat izan zen Atotxakoa: Madrilgo CCOOren bulegoan bost abokatu hil zituzten, tiroz, 1977ko urtarrilaren 24an.