6.750 euroko isuna kartelak jartzeagatik

Berria -

2019ko ekainak 25
BILBO. Eraginek jakinarazi duenez, taldeko hiru kideri 6.750 euroko zigorra jarri diete ostalaritzako langileen lan baldintzak salatzen zituzten kartelak erakusteagatik. Urtearen hasieran, Bilboko ostalaritzako langile batzuek Eragin sortu zuten, salatzeko beren lan hitzarmenak ez zirela betetzen ari, eta egoera prekarioan lan egin behar zutela. Urtarrilaren erdian, Alde Zaharrean protestan ibili ondoren, Plaza Barrira jo zuten eta «kartelen bidez langileei haien eskubideen berri eman zieten».

Udaltzainek hiru manifestari identifikatu zituzten, eta orain haietako bakoitzari 2.250 euroko isuna jarri die Bilboko Udalak, udal ordenantzen aurka joateagatik. «Isuna bereziki larri iruditzen zaigu, haren atzean eskubideen aldarrikapen huts bat dagoelako. Nora goaz? Zoratuta gaude?», galdetu du Eraginek.

Plataformak agerraldi bat egingo du bihar, Bilboko Plaza Barrian.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna