Kukai konpainiaren 'Erritu'-k koreografia onenaren saria jaso du Max sarietan

ARTE ESZENIKOAK. Herenegun iluntzean banatu zituzten Max Arte Eszenikoetako Espainiako sariak, eta bi euskal ekoizpenek sari bana irabazi zuten: Kukai dantza konpainiak ekoitzitako Erritu ikuskizunerako eginiko lanagatik, Sharon Fridmanek koreografiarik onenaren saria irabazi zuen; eta ikuskizun musikal onenaren saria jaso zuen Klemark konpainiak Rami Eldarrekin eta Yllana konpainiarekin elkarlanean ondutako The opera locos lanak. Bestalde, Alfredo Sanzol iruindarrak idatzitako La ternura-k antzezlan onenaren saria irabazi zuen.