KIEV. Oligarken eragin politikoa mugatzeko legea onartu zuen atzo Ukrainako Parlamentuak. Legearen arabera, Ukrainak oligarken zerrenda bat sortuko du, eta zerrenda horretan agertuko diren herritarrek ezin izango dituzte alderdi politikoak finantzatu, eta debekatuta izango dute estatuko enpresen pribatizazio prozesu handietan parte hartzea.
Volodimir Zelenski Ukrainako presidenteak maiatzean jakinarazi zuen herrialdeko Segurtasunerako eta Defentsarako Batzordeak hamahiru pertsona identifikatu zituela oligarken zerrendarako. Ez zuen izenik eman orduan.
Legea herrialdeko giro politikoa astindu duen erasoaren ondorengo egunean onartu da. Herenegun, ezezagun batzuk Zelenskiren gertuko aholkulari bat hiltzen saiatu ziren, haren autoari hamar tiro jota. Aholkularia onik irten zen, ordea. Poliziak ez du baztertzen atentatuak lege horrekin zerikusia izatea.
Aholkulariaren esanetan, erasoaren helburua ez zen bera izan, «botereko mailarik altuena beldurtzea» baizik.
Ukrainak legez mugatuko du oligarken boterea
Iruzkinak
Ez dago iruzkinik
Ordenatu
