Loraldiak emanaldi eta tailer sorta bat antolatu du Lekeition hurrengo asterako

JAIALDIAK.Udako ola izena jarri dio Loraldia jaialdiak aurten Lekeition (Bizkaia) hasiko duen zikloari. Astelehenean hasi eta igandera bitarte, gazteentzako sormen egonaldiak antolatu dituzte goizetan, eta publiko zabalarentzako emanaldi bana arratsaldeetan. Natalia Monge dantzariak Arnasa eskainiko du astelehenean, Mikel Martinezek Tabernaria asteartean, Eñaut Elorrieta kantaria izango da asteazkenean, Miren Agur Meabe idazlea ostegunean, Iratxe Fresneda zinemagilea ostiralean, eta Ander Lipus antzerkilaria, azkenik, larunbatean.