XIII. Beldur Barik martxan da, parekidetasuna sustatzeko
Adierazpen artistikoaren bidez gazteen artean indarkeria matxistaren aurkako jarrerak sustatzea du helburu
SESTAO. Hamahirugarrenez, martxan da Beldur Barik lehiaketa; ausart eta izurik gabe, beste behin. Gaur aurkeztu dute aurtengo aldia Eusko Jaurlaritzako Berdintasun, Justizia eta Gizarte Politiketarako sailek, Sestaon (Bizkaia); haiek antolatua da egitasmoa, Emakunderen bitartez, eta Eudel elkartearen eta foru aldundien laguntzarekin. Aurpegiera, doinu eta ahots berriak izanen dira aurtengo lehiaketan, asmo berarekin betiere: indarkeria matxistaren kontrako jarrerak sustatzea gazteen artean. 12 eta 20 urte arteko gazteek parte hartzen ahalko dute lehiaketan. Adierazpen artistiko bidez, indarkeria matxistari aurre egiteko eskatuko zaie gazteei. Hau da, sorkuntzek «parekidetasuna, askatasuna eta autonomia, elkarkidetza eta indarkeria matxista eta sexistaren bazterketa irmoa» erakutsi beharko dute. Irailaren 19tik eta azaroaren 11ra aurkeztu ahal izango dira lanak.
Iruzkinak
Ez dago iruzkinik
Ordenatu