Frankismoko torturatzaileei dominak kentzeko eskaera

IRUÑEA. Nafarroako Parlamentuak aho batez onartu du frankismoko torturatzaileei medailak kentzearen aldeko adierazpen instituzionala. Geroa Baik aurkeztu zuen atzo proposamena, eta, guztiek onarturiko adierazpenean, Espainiako Gobernuari eskatu diote frankismoan «balio demokratikoekin eta giza eskubideen babesaren oinarriekin bateraezinak diren ekintzak egin edo halako jarrerak behatu» zituzten funtzionario eta autoritateei kondekorazio oro kentzeko, «diktadura frankistaren errepresio aparatuaren parte izateagatik».

Kondekorazioa kentzeak hark dakartzan onura ekonomikoak galaraztea ere eskatzen du, adierazpenaren arabera. Era berean, adierazi dute sariak hil ondoren ere kendu daitezkeela. Espainiako erregearen erretratua ere kendu egin dute.