BRUSELA. Albania eta Ipar Mazedoniarekin elkarrizketak hastea onartu zuten atzo Europako Batasuneko estatu kideek. Balkanetako bi herrialdeok EBko kide bilakatzea litzateke elkarrizketa horien helburu nagusia. Erabakiaren aurreko eztabaida luzea izan da, batez ere zenbait estatu kide ez zeudelako negoziazioak hastearen alde: Frantzia, kasurako.
Elkarrizketak hastea onartu badute ere, ez dute horretarako egunik zehaztu. Hedapenerako komisario Oliver Varhelyiren esanetan, herrialde bakoitzaren garapenaren arabera erabakiko dute elkarrizketak noiz hasi. Hala ere, bi estatuburuek egun historikotzat jo zuten atzokoa, eta nabarmendu zuten erabakia osasun krisi betean hartu izanak Balkanen aldeko jarrera erakusten duela. Halako prozesuek bi urte inguru irauten dute normalean, baina litekeena da kasu honetan bidea luzeagoa izatea, batez ere Europako Batasuneko estatuak buru-belarri ari direlako koronabirusaren aurkako borrokan.
Ipar Mazedonia eta Albania, EBn sartzeko bidean
Iruzkinak
Ez dago iruzkinik
Ordenatu
