GASTEIZ. Ertzaintzak 37 urteko gizonezko bat atxilotu zuen astelehenean Gasteizen, indarkeria matxista leporatuta. Eusko Jaurlaritzaren Segurtasun Sailak emandako informazioaren arabera, erasoa joan den igandean gertatu zen, etxebizitza batean: gizonezkoak emakumezkoa jo zuen aurpegian, bortizki. Gainera, jakinarazi dutenez, gizonezkoak mehatxu egin zion biktimari, labanaz.
Erasoa gertatu eta hurrengo egunean, astelehenean, emakumezkoak arta medikoa jaso zuen osasun zentro batean. Aurpegia mailatua zuen, nabarmen. Orduan izan zuen Poliziak erasoaren berri, eta atxilo eraman zuten gizonezkoa. Emakumeari sexu erasoa egitea, lesioak eragitea eta mehatxu egitea egotzi diote. Ikerketa abiatu dute. Emakumeen Aurkako Indarkeriaren epaitegitik igaro ostean, epaileak espetxera bidali zuen atzo.
Gizon bat atxilotu dute indarkeria matxista egotzita
Iruzkinak
Ez dago iruzkinik
Ordenatu