SEVILLA. PPk eta Ciudadanosek gobernua osatzeko akordioa egin dute Andaluzian, Juanma Moreno PPk Espainiako erkidego horretan duen presidenteak atzo jakinarazi zuenez. Hartara, Morenok espero du hurrengo urtarrilaren 16an aukeratuko dutela Andaluziako presidente, nahiz eta PPk eta Ciudadanosek ez duten gehiengo osoa parlamentuan. «Dena espero bezala badoa, eta guztiok betetzen badugu akordioaren dagokigun zatia, aski argi dago ni izango naizela Andaluziako Batzarreko hurrengo presidentea».
Akordio horren lehenengo pausoa gaur gauzatuko da, parlamentuko mahaia aukeratuko baitute. Juan Marin Ciudadanosen Andaluziako buruak atzo adierazi zuen bera aukeratuko dutela ganberako presidente, eta parlamentuan ordezkaritza duten alderdi guztiek izango dutela gutxienez ordezkaritza bat mahai horretan. Baita eskuin muturreko Vox alderdiak ere, Moreno PPko buruak jakinarazi baitzuen horren alde emango dutela botoa.
Andaluzian gobernu akordioa egin dute
Iruzkinak
Ez dago iruzkinik
Ordenatu
