Epaileak berretsi egin du EAko buruen aurkako salaketa artxibatzeko erabakia

GASTEIZ. Eusko Alkartasunak jakinarazi duenez, Arabako Probintzia Auzitegiak berretsi egin du EAko sektore kritikoak alderdiko zenbait buruzagiren aurka jarritako salaketa artxibatzeko erabakia. EAko zuzendaritzak positibotzat jo du ebazpena, «difamazio kanpainatzat» jo du sektore kritikoaren salaketa, eta zuzendaritzaren beraren kudeaketa goretsi du. Besteak beste, usurpazioa, dokumentuak faltsutzea eta sekretuak argitara ateratzea egotzi zieten Mariano Alabari, Maider Karrereri, Iker Ruiz de Eginori eta Hugo Uruñuelari.