Kosovon ateak ireki dizkiote aldaketa politikoari
PRISTINA. Kosovon gobernua hartzeko prest dagoela adierazi zuen atzo Vetevendosje (autodeterminazioa) alderdi nazionalista albaniarrak. «Bart gauetik itxaropena dago, atzo adorea egon zelako. Herritarrek garaipen argia eman zioten oposizioari», adierazi zuen Albin Kurti Vetevendosjeko liderrak. Atzo, botoen %96,19 kontatuta zituztela, lehen alderdia zen Vetevendosje, botoen %25,72rekin. Bigarren, berriz, LDK Kosovoko Liga Demokratikoa zegoen, kontserbadorea, botoen %25,03rekin. Bi alderdiek oposizioan elkarlanean jardun dute, eta kanpainan adierazia zuten elkarlanean jarraitzeko asmoa zutela.
Ramush Haradinaj lehen ministro ohiaren PDK Kosovoko Alderdi Demokratikoak onartu du oposiziora igaroko dela (%21,13), independentziaz geroztik (2008) lehen aldiz.
Goizeko buletina
BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.
