Cyril Ramaphosa berriro aukeratu dute Hegoafrikako presidente

LURMUTUR HIRIA. ANC Afrikako Kongresu Nazionalak inoizko emaitzarik txarrenak izan zituen duela bi aste Hegoafrikan egindako bozetan, baina irabazi egin zituen, eta gehiengo osoa lortu. Cyril Ramaphosa ANCren hautagaiak, iaztik herrialdeko presidentea denak, hortaz, kargua berritu zuen atzo. Bozketarik ere ez zen egon Asanblea Nazionalean, hura zelako presidente izateko hautagai bakarra.