Albistea entzun

Laborari bat zendu da Jutsin, aurtengo bigarren istripuan

Gasteizen hildako beharginari dagokionez, aldamioak ez zituen segurtasun neurri guztiak, Osalanen arabera

Berria -

2020ko urtarrilak 4

JUTSI. 38 urteko emakume bat hil zen herenegun goizean Jutsin (Nafarroa Behera), senarra laguntzeko baserrian lanean ari zela. Lehen hipotesien arabera, lasto fardo trinko eta pisu bat gainera erori zitzaion, eta azpian harrapatua gelditu zen. Senarrak larrialdi zerbitzuak deitu zituen; helikopteroz eraman zuten Baionako ospitalera, larri, eta arratsaldean zendu zen.

Lanean ari zela Euskal Herrian aurten hildako bigarren pertsona da. Egun berean, baina ordu batzuk geroago, obretako langile bat hil zen Gasteizen. Osalanen arabera, segurtasun neurriak falta zituen: aldamioaren perimetro osoa ez zegoen babestuta erorikoak eragozteko hesiekin; bi zati luzeetan bazuen, baina ez motzetan.

Langileak 55 urte zituen, eta Arnaiz Asc 21 enpresarentzat egiten zuen lan. Arabako hiriburuko Olarizu etorbideko 32. zenbakian egiten ari diren eraikinean adreiluzko eskailera bateko zulo bat ixten ari zen erori zenean, lurretik hiru metrora.

Sindikatuek gogor kritikatu dute gertatutakoa, eta dei egin dute datorren asteartean SEA Arabako patronalaren egoitzaren aurrean egingo duten elkarretaratzean parte hartzeko. ELAk azpimarratu du eraikuntzaren sektorean dagoen ezbehar kopuru handiak agerian uzten dituela beharginen lan baldintza eskasak. «Gastuak murriztu nahi dituzte, langileen bizia eta osasuna jokoan jartzen badituzte ere».

Elkarrekin udal taldeak, berriz, salatu du «Araban dagoen anbulantzia medikalizatu bakarra» ezin izan zela joan istripua jazo zen lekura, orduantxe Arabako Mendialdean zegoelako, beste larrialdi batean. Larrialdietako langileak biltzen dituen Eustes elkarteak gogoratu du Araban eta Bizkaiaren zati batean zerbitzu hori eskaintzen duen enpresak ez duela jarraituko 2020. urtean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ekainaren 22ko Mercedeseko langilen lanuztea. ©Jaizki Fontaneda /FOKU

Bi greba egun bateratu adostu dituzte Mercedeseko sindikatuek

Julen Otaegi Leonet

Lanuzteak ekainaren 30ean eta uztailaren 6an egingo dituzte ELA, LAB, ESK, UGT, CCOO, Ekintza eta PIM sindikatuek. «Denak batera eta pankarta berarekin» irtengo dira langileak.

Isabel Rodriguez bernuko bozeramailea, Ministroen Kontseiluaren bilkuraren osteko prentsaurrekoan. ©J.J.Guillen / EFE

Celsak 550 milioi euro jasoko du, erreskaterako

Julen Otaegi Leonet

Ministroen Kontseiluak gaur bertan onartu du azkenean siderurgia talde horri erreskatea ematea.

Vladimir Putin, joan den ostiraleko irudi batean. ©MIKHAIL METZEL / EFE

Errusia ordainketa etenduran erori da

Irune Lasa

AEBek jarritako zigorren ondorioz, Errusiak atzerriko dibisetan dituen bi zor bonuren hartzekodunei ez zaizkie iritsi jaso beharreko interesak

Jatetxeak itxita eta jende oso gutxi Pekingo kaleetan, maiatzean. ©MARK R. CRISTINO / EFE

OMIKRONAREN KOLPEA

Olatz Urkia

Mundua koronabirusarekin bizitzen hasi den honetan, Txinak ez du bertan behera utzi nahi kutsaturik gabeko estrategia. Eta ordaindu beharreko prezioa altua da. Pandemia hasi zenetik bi urte baino gehiago pasatuta, orain hartu du Txinako ekonomiak kolperik gogorrena.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...