Natura Ondarea Kontserbatzeko Legea adostu dute Jaurlaritzak eta EH Bilduk

GASTEIZ. Eusko Jaurlaritzak eta EH Bilduk Natura Ondarea Kontserbatzeko Lege berria adostu dute. Mikel Otero EH Bilduko legebiltzarkidearen arabera, proposamenen %75 onartu dizkiete, eta «legearen alderdi asko hobetzea» lortu dute. Besteak beste, Eudelek, aldundiek eta Ingurumen Sailak koordinazio batzorde bat sortuko dute, eta aurrekontu sail jakin batzuk izango dituzte. Miren Gorrotxategi Elkarrekin Podemos-IUko buruaren iritziz, ordea, Jaurlaritzak «aukera paregabea» galdu du «ingurumen politika indartsuen alde» egiteko.