Albistea entzun

Kontu ikuskatze herritar bat nahi dute Euskal Elkargorako

Batera-k Euskal Elkargoaren gobernantza aztertu nahi du herritarrekin, arduradunei proposamenak helarazteko
Euskal Elkargoa aldarrikatzeko mobilizazioa Baionan, 2015ean.
Euskal Elkargoa aldarrikatzeko mobilizazioa Baionan, 2015ean. G. RUBIO / FOKU Tamaina handiagoan ikusi

Berria -

2018ko irailak 12

BAIONA. Euskal Elkargoa sortu eta urte eta erdira, haren gobernantzaz gogoeta bultzatzeko beharra ikusi du Batera plataformak. Oharturik azken hilabeteetan kritika eta desadostasun andana izan direla, herritarrak aktibatu nahi dituzte, ongi eta gaizki egiten direnak zerrendatu eta Euskal Elkargoko arduradunei proposamen zehatzak helarazteko. Hiru fase izanen ditu gogoeta prozesuak: ondoko asteetan, bilkura irekiak antolatuko dituzte herrietan, eta galdeketa bat zabalduko dute sareetan; azaro hastapenerako, galdera eta informazio saioak antolatuko dituzte elkargoko hautetsi eta adituekin; abendu erditsuan, berriz, jardunaldiak antolatuko dituzte.

Batera-koek argi utzi dute helburua ez dela elkargoaren erabaki politikoez eztabaidatzea, gobernantza arloan sortu diren arazoei aurre egitea baizik: hiriaren eta barnealdearen arteko haustura, paktu fiskala... «Kritikak badira, eta entzun behar dira», adierazi du Mixel Berhokoirigoin Batera-ko kideak. Proposamenak egitea da beren helburua.

Herritarrek Ipar Euskal Herriko instituzioaz iritzi txarra izatea ekidin nahi dute. « Arazoa ez da Ipar Euskal Herri mailako instituzioa izatea. Funtzionamendua ez dute pertsonek soilik egiten, elkargoak baditu egiturazko arazoak», gaineratu du Jakes Bortairuk. Arazo horiek identifikatuta, instituzio mailan urrunago joateko borondatea berpiztu eta baldintza politikoak sortu nahiko lituzke Batera plataformak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mertxe Aizpurua Espainiako Kongresuan. ©JUANCARLOS HIDALGO / EFE

'Mozal legearen' erreforma ez blokeatzeko eskatu die PSOEk bazkideei

Xabier Martin

EAJko Aitor Estebanek uste du orain arte adostutako zuzenketak egun indarrean dagoen legea hobetzen dutela. EH Bilduko Mertxe Aizpuruak, berriz, ohartarazi du Espainiako Gobernuak «hitzemandakoa» bete beharko duela koalizioaren babesa jaso nahi badu Herritarren Segurtasun Legearen erreformarako.

PSNk atea itxi dio Mañeru eremu mistoan sartzeari

Berria

Etzi bozkatuko dute proposamena parlamentuan. Alzorrizek esan du ez dela gaiaz «hitz egiteko garaia»
Odon Elorza, 2021eko urtarrilaren 22an egindako agerraldi batean. ©Gorka Rubio / Foku

Odon Elorzak dimisioa eman du diputatu gisa

Jon O. Urain

Donostiako alkate ohiak aitortu du PSOEko zuzendaritzarekin «desadostasunak» saihesteko hartu duela erabakia. 11 urte egin ditu Espainiako Kongresuan.

Onintze Oleaga eta Unai Urruzuno, otsailaren 11ko topaketa aurkezten. ©/ EH Bildu

EH Bilduk jardunaldi munizipalistak egingo ditu otsailaren 11n

Jon O. Urain

Bost erronkaren inguruan ariko dira, eta indar subiranistak saio horrekin abiatuko du udal hauteskundeetako kanpaina.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.