Bazterkeria jasan dutenek testigantzak emango dituzte Gipuzkoako eskoletan

DONOSTIA. Bazterkeria jasan duten hainbat pertsona lekukotasunak ematera joango dira ikastetxeetara, Gipuzkoako Foru Aldundiak sustatu duen egitasmo bati atxikita. Migratzaileei, ijitoei, elbarriei eta LGTBI kolektiboetako pertsonei emango diete hitza. Herrialdeko hamar eskolatan hasiko dira proiektuarekin, Bigarren Hezkuntzako 3. eta 4. mailetan. Gipuzkoako ahaldun nagusi Markel Olanok esan du irizpide «kritikoak» eman nahi dizkietela ikasleei, «populismoen» aurkakoak: «Aniztasuna ezagutu egin behar da, ezagutzen ez dena ez delako sentitzen, eta sentitzen dena ez delako maitatzen».