Dozenaka 'jaka hori' atxilotu dituzte, Macronek neurriak iragartzeko atarian

PARIS. Jaka Horien mugimendua 23. asteburuz atera da kalera protesta egitera. Frantziako hainbat hiritan ehunka lagun atera ziren kalera atzo, baita hiriburuan ere. Parisen, bada, dozenaka lagun atxilotu zituzten. Emmanuel Macron presidenteak ostegunean iragarriko ditu neurri ekonomiko eta sozialak, eta, iragarpenaren atarian, ultimatuma eman diote mugimenduarekin bat egin duten herritarrek. Protestak egongo zirela aurreikusita, milaka polizia atera zituzten kalera.