BAIONA. Intzidentzia tasa apaldu dela eta, COVID-19aren kontrako protokoloa bigarren mailatik lehenengora jaitsi zuen atzo Eric Spitz Pirinio Atlantikoetako prefetak. Hala, Nafarroa Behereko, Lapurdiko eta Zuberoako Lehen Hezkuntzako ikasleek ez dute ikastetxean maskara jantzi beharko.Bigarren Hezkuntzakoek, berriz, atxiki beharko dute.
Osasun ziurtagiria beharrezkoa ez den lekuetan ez da derrigorrezkoa izango maskara astelehenetik aitzinera, baina bai, aldiz, toki itxietan eta jendea pilatzen den lekuetan. Edukieretan ere izango dira aldaketak. Publikoa zutik dagoen kontzertuetan eta areto itxia duten dantzalekuetan edukiera %75era mugatuta izan dute orain arte, baina muga hori kendu egingo da.
Bestalde, atzotik hasita, osasun langileek hirugarren dosia jar dezakete. COVID-19aren probetan ere izango dira aldaketak, baina beranduago: urriaren 15etik aitzina medikuaren agiririk ez duten pazienteek PCR eta antigeno probak ordaindu beharko dituzte.
Hezkuntzako arauak, arintzear Iparraldean
Iruzkinak
Ez dago iruzkinik
Ordenatu
