Milan Kundera idazleak txekiar nazionalitatea dauka ostegunetik

LITERATURA. Milan Kundera jaio zenean, 1929an, Brno hiria Txekoslovakia zen. Pragako Udaberriaren ostean, jazarria izan zen, eta, 1979an, txekoslovakiar nazionalitatea kendu zioten agintari komunistek. Ordurako, Frantzian bizi zen, eta 1981etik frantses nazionalitatea zeukan. Ostegunean, Izatearen arintasun jasanezina-ren egileak txekiar nazionalitate agiria jaso zuen, Txekiako enbaxadorearen eskutik.